Goa Mein Kisaan Bane Udyami, Mall Ko Day Rahe Takkar

India »

Goa Mein Kisaan Bane Udyami, Mall Ko Day Rahe Takkar

Panaji. . Goa mein dhaan ki kheti ki jameen sadak banaane ke liye adhigruheet kiye jaane ke baad yahaan ke kisaanon ko samajh mein naheen aa raha tha ki ve jeevikopaarjan ke liye kya karein. Lekin samay beetate kisaanon ne baaki bachi jameen par sabji kheti karni shuroo kar di aur ise khud hi bechana shuroo kar diya aur dheere-dheere unka yah vyavasaaya rang laane laga. Aaj yahaan ke kisaan khet se sabji laakar agaasaim baaipaas ke paas bechate hain aur achha munaafa kama rahe hain. Choonki in kisaanon ki sabjiyaan mall mein upalabdh sabjiyon ke mukaabale sasti aur taaji hoti hain baaipaas se gujarane vaale log in kisaanon se sabjiyaan khareedna pasand karte hain. Chaar saal pehle tatkaaleen sarakar ne jab 40 varsheeya inaasina gonjaalvis ki jameen baaipaas banaane ke liye adhigrahit ki thi, us samay gonjaalvis apni roji-roti ke bhavishya ko lekar adhar mein theen. Us samay inaasina apne khet mein dhaan ki kheti karti theen. Inaasina ne bataaya, ''Chaar saal pehle hamaare dhaan ke khet baaipaas banaane ke liye sarkaar ne adhigruheet kar liye the. Sarkaar ne hamein nuksaan ka muaavaja naheen diya. Lekin aaj ham baaki bache khet par sabjiyaan ugaakar unhein bech rahe hain aur parivaar ka pet paal rahe hain. '' unhonne kaha, ''Hamaare paas baaipaas ke kinaare sabji bechne ke alaava koi chaara naheen tha. '' inaasina ne kaha ki sadak ke kinaare sabji bechana shuroo karne waali vah pehli mahila theen. Aaj baaipaas ke kinaare 20 se adhik dukaanein hain aur Goa velha va agaasaim ke graameenon ne kutiya bana li hai. Ek sarkaari adhikaari raamadaas shaankhvalkar ne kaha, ''Yahaan sabjiyaan sasti hain. Baajaar moolya se lagbhag 40 feesad kam keemat par sabji mil jaati hai. Yadi aap yahi sabjiyaan shrrunkhalaabaddh dukaanon se khareedna chaahate hain to keemat tiguni hogi.

Goa Mein Kisaan Bane Udyami, Mall Ko Day Rahe Takkar https://www.angrejinews.com/pic/3249