Giraftaari Ki Aashanka Se Pehle Orissa Ke Poorv Mantri Bhoomigat Hue

India »

Giraftaari Ki Aashanka Se Pehle Orissa Ke Poorv Mantri Bhoomigat Hue

Bhuvaneshvar. . Orissa ke poorv kaanoon mantri raghunaath mohanti apni putravadhoo dvaara daayar kiye gaye dahej prataadna ke maamale mein giraftaari ki tej hoti maang ke beech aaj bhoomigat ho gaye. Raghunaath ke bete raajashri mohanti ne mahaj aath maheene pehle shaadi ki thi. Raajashri ne udeesa High Court mein agrim jamaanat arji daakhil ki hai. Shukravaar ko hi mantri pad se isteefa dene vaale raghunaath mohanti ko na to vidhaanasabha mein dekha gaya aur na hi vah apne ghar par the. Unka mobile phone band aa raha hai aur bataaya gaya hai ki vah shukravaar raat se bhoomigat ho gaye. Orissa vidhaanasabha mein shanivaar lagaataar doosare din kaamkaaj naheen ho saka. Congressi vidhaayakon ne mohanti ko giraftaar karne aur mahilaaon par badhte atyaachaar ke vishay par sadan mein charcha karaane ki maang ki. Raghunaath ki putravadhoo varsha soni chaudhari dvaara darj praathamiki ke baad baaleshvar mein unke khilaaf police mein darj maamale ka jikr karte hue Congress ke sadasyon ne kaaryasthagan prastaav ke jariye mahilaaon par jyaadati ke vishay par charcha karaane ki maang ki. Vipaksh ke neta bhoopindar Singh ne raghunaath mohanti ke khilaaf maamala police ki maanavaadhikaar sanrakshan ikaai ko saunpe jaane par aapatti jataai

Giraftaari Ki Aashanka Se Pehle Orissa Ke Poorv Mantri Bhoomigat Hue https://www.angrejinews.com/pic/3301