Giraavat Ke Saath Khula Baajaar, Sensex 51 Pauints Ludhka

Business » Friday, April 26, 2013

Mumbai. . Bombay stock exchange ka benchmark Sensex chaar din ki lagaataar badhotri ke baad shukravaar ko Asiaee kshetr mein mile-jule rujhaan ke beech shuruaati kaarobaar mein 51 ank ludhak gaya. 30 sheyaron vaala index aaj 51.21 ank ya 0.26 feesad ki giraavat ke saath 19,355.64 ke star par pahunch gaya. Index ne pichhle chaar session mein 676 ank ki badhotri darj ki thi. Isi tarah naishanal stock exchange ka index Nifty 23.55 ank ya 0.40 parseint girkar 5,892.75 parseint par pahunch gaya. Brokeron ne kaha ki Asiaee kshetr mein mile-jule rujhaan ke beech thok aur khudara niveshakon ki livaali ke kaaran kaarobaari rukh prabhaavit huaa. Shukravaar ko baajaar khulate hi domestik market mein giraavat dekhne ko mili. Auto, efaemaseeji, IT, kaipitl guds, bank aur pharma companiyon ke sheyaron mein giraavaat ke baad baajaar mein preshar hai. Doosari taraf kanjyoomar dyoorebals aur teknaulaji companiyon ke sheyaron ki maang mein filhaal teji hai. Diggaj sheyaron ke mukaabale midcap aur smallcap sheyaron mein achhi khareedaari ke sanket hain. Filhaal BSE ka 30 sheyaron vaala pramukh index Sensex 57 ank yaani 0.3 feesadi ki giraavat ke saath 19,350 ke star par bijnas kar raha hai. Vaheen NSE ka 50 sheyaron vaala pramukh index Nifty 21 ank yaani 0.4 parseint ludhkakar 5,895 ke star par kaarobaar kar raha hai. Baajaar mein bijnas ke dauraan hero Motocorp, mahindra aind mahindra, jindal steel, SBI, ICICI bank, echaseeel tech aur eksis bank jaise diggaj share 2-1.1 feesadi neeche gaye hain. Haalaanki bhaarati Airtel, tata steel, HDFC, Cipla, Bajaj auto, asian peints, Ambuja cement aur Reliance infra jaise diggaj sheyaron mein 5.2-0.5 feesadi ki uchhaal darj ki gayi hai. Midcap sheyaron mein Indian infotek, koromandal intaranaishanal, muthoot faainains, United fausforas aur PC jvelar sabse jyaada 10-2.8 feesadi tak badhe hain. Vaheen smallcap sheyaron mein oseeel aayaran, mahindra forjing, anjaaneya life, arshiya intaranaishanal aur lavebal launjare sabse jyaada 13-4.6 feesadi tak majaboot hue hain. Intaranaishanal baajaaron ki baat karein to guruvaar ko ameriki baajaar kareeb 0.5 feesadi ki teji ke saath band hue. Naisdaik mein 0.62 feesadi ki teji rahi. Esaaindapi 500 index 0.4 feesadi ki badhat ke saath band huaa. Vaheen daao jons kareeb 0.2 feesadi ki majabooti ke saath band huaa. Is beech Asiaee baajaaron mein milaajula asar dekhne ko mil raha hai. Kospi mein 0.1 feesadi aur Shanghai kampojit mein 0.5 feesadi ki giraavat dekhne ko mil rahi hai. Esajeeeks Nifty sapaat hokar 5,923 ke star par kaarobaar kar raha hai. Nikkei aur strets times bhi naurmal hain. Haing seing mein 1 feesadi aur taaivaan index mein kareeb 0.5 feesadi ki uchhaal I hai.