Ghotaalebaajon Ke 'Ali Baba Hain Pradhaanamantri Aap

Breaking »

Ghotaalebaajon Ke 'Ali Baba Hain Pradhaanamantri Aap

nai Delhi. . Railway mein ghoosakhori ke maamale se palla jhaadne ko lekar aam aadmi party ne rel mantri pavan bansal aur sarkaar ko ghera hai. Aap ne pradhaanamantri Manmohan Singh par karapt mantriyon ko bachaane ka aarop lagaate hue kaha ki isse aleebaaba aur 40 chor ki kahaani ki yaad aati hai. Aisa lag raha hai maano pradhaanamantri 40 ghotaalaabaajon ke cabinet ke Ali Baba hain. Ghotaalon par sarkaar ke ravaiye aur ghotaale mein shaamil mantriyon ko bachaane ko lekar bhi sarkaar ki kadi aalochna ki, saath hi party ki or se jaari stetameint mein rel mantri ke us bayaan ki aalochna ki gayi, jismein unhonne kaha hai ki unka apne bhaanje se koi lena-dena naheen hai. Apne bayaan mein aap ne kaha ki rel mantri ka yah bayaan gair-jimmedaraana aur avishvasaneeya hai. Gaurtalab hai ki railway mein bade pad par ohada dilaane ke liye rishvat lene ke maamale mein CBI ne shukravaar raat rel mantri pavan bansal ke bhaanje vijay singala aur railway board ke sadasya mahesh Kumar ko giraftaar kiya hai. Rel mantri ne rishvat ke maamale se doori banaate hue shanivaar ko kaha ki uske saath unke koi vyaavasaayik sambandh naheen hain aur unhonne kuchh galat naheen kiya hai. Bansal ne kaha hai ki unhonne saarvajanik jeevan mein hamesha imaandaari ke uchch maanakon ka paalan kiya hai aur koi bhi unke faisalon ko prabhaavit naheen kar sakta. Aap ne kaha, mahesh Kumar, jinhein haal hi mein promeshan mila aur jinhein bansal ne hi railway board mein shaamil kiya, vah (mahesh) bina unki jaankaari ke unke bhaanje ko 90 lakh rupaye kaise day sakte hain? Aap ne pradhaanamantri se turant railway mantri ko pad se barkhaast karne ke liye kaha aur is maamale ki CBI jaanch ki maang ki. Yahi naheen, rel mantri pavan bansal ke kaaryakaal mein oonchi padon par hue promotion ki jaanch karavaane ki maang bhi ki gayi. Bataaya ja raha hai ki rel mantri ke bhaanje singala ne pehle mahesh Kumar se promoshan ke liye 10 karod rupaye ki maang ki thi, jo baad mein 2 karod rupaye par tay hui. Pehli kist 90 lakh rupaye ki thi.

Ghotaalebaajon Ke 'Ali Baba Hain Pradhaanamantri Aap https://www.angrejinews.com/pic/7638