Ghatna Ke Liye Sarkaar Jimmedaar Naheen Congress

India »

Ghatna Ke Liye Sarkaar Jimmedaar Naheen  Congress

vis . Nai Delhi : Congress aur sarkaar ne pashchim Bengal ki mukhyamantri mamata Bannerjee ke us aarop ko poori tarah se khaarij kar diya, jismein unhonne apne saath hue durvyavahaar ke liye UPA sarkaar ko jimmedaar thaharaaya tha. Soochana va prasaaran raajya mantri ne kaha ki unke saath ghati ghatna unke aur left ke beech ka maamala hai. Usaka sarkaar se koi lena-dena naheen hai. Vaheen Congress pravakta Renuka chaudhari ne bhi ise TMC aur left ka aapasi maamala bataate kaha ki mamata ke saath jo ku chh huaa, vah kaafi durbhaagyapoorn tha. Kisi bhi mahila ke saath aisi ghatna behad afsos ki baat hai. Par agar vah is maamale ka raajaneetikran karna chaahati hain to hamein kuchh naheen kehna. Delhi mein suraksha maanakon par savaal uthaane par Congress ne kaha ki mamata Delhi par aarop lagaane se pehle apne raajya mein najar daalein. Vaheen, keindreeya mantri deepa daasamunshi ne aarop lagaaya ki pashchim Bengal mein Congress party ke daftaron aur unki car par Trinamool kaaryakartaaon ne hamla kiya hai. Mangalvaar ko naamakhaana mein meri car par bhi hamla kiya gaya tha.

Ghatna Ke Liye Sarkaar Jimmedaar Naheen Congress https://www.angrejinews.com/pic/5174