Ghareloo Hinsa Rokane Ka Prastaav Ekamat Se Paarit

India »

Ghareloo Hinsa Rokane Ka Prastaav Ekamat Se Paarit

ek samvaadadaata . Jeend desh ke sarvaadhik viksit gaanvon mein shumaar evam pehli digital panchaayat banane ka gaurav haasil karne waali beebeepur gram panchaayat ne gaanv mein ghareloo hinsa rokathaam ka prastaav sarvasammati se paas kar guruvaar ko ek naya adhyaaya likh diya. Gaanv ki chaupaal mein aayojit teesari mahila gram sabha ki is baithak ko kavar karne ke liye panchaayati raaj evam soochana prasaaran mantraalaya ki 7 sadasyon ki sanyukt team ne bhi gaanv ka daura kiya. Team ne gram sabha ki meeting ki poori rekaurding ki. Lagbhag aadha ghanta chali is baithak mein is abhootapoorv faisale va gaanv ke vikaas ki kahaani ki ek daukyumeintri taiyaar ki gayi. Ise 24 April ko Delhi sthit vigyaan bhavan mein dikhaaya jaaega. Usi din gaanv ke sarapanch suneel jaagalaan pradhaanamantri Manmohan Singh se best panchaayat ka award leinge. Yah sammaan gaanv mein kanya bhroon hatya rokane, mahila sashakteekaran aur gaanv ke vikaas ke kshetr mein kiye gaye kaam ke liye diya jaaega. Guruvaar ko aayojit gram sabha ki baithak mein mahilaaon ko ghareloo hinsa se bachaane evam upaayon ke prati jaagaruk karne ka ajeinda rakha gaya tha. Is ajeinde ko sabha ne sarvasammati se paarit kar diya gaya. Sarapanch suneel jaagalaan ne kaha ki gaanv mein ghareloo hinsa ko anjaam dene vaale vyaktiyon par gram star par kaarravaai ki jaaegi. Ghareloo hinsa ko rokane ke liye gram panchaayat dvaara har sambhav prayaas kiye jaaenge. Unhaanene beebeepur gaanv ko mahila aadarsh gaanv banaane ki aasha vyakt ki.

Ghareloo Hinsa Rokane Ka Prastaav Ekamat Se Paarit https://www.angrejinews.com/pic/5310