Ghareloo Hinsa Ke Aaropon Ko Lekar Kerala Ke Van Mantri Ne Diya Isteefa

Breaking »

Ghareloo Hinsa Ke Aaropon Ko Lekar Kerala Ke Van Mantri Ne Diya Isteefa

Tiroovanantapuram. . Kerala ke van mantri ke bi ganesh Kumar ne somvaar der raat Congress ki aguvaai vaale yoodeeef mantrimandal se isteefa day diya. Unki patni ne un par ghareloo hinsa ke aarop lagaae the. Mantri ne apni patni yaamini thaankaachi ke lagaae aaropon ko 'Niraadhaar' bataate hue khaarij kar diya tha aur shaam tak isteefe se inkaar kiya lekin der raat unki patni ne thaane mein unke khilaaf shikaayat darj karaai. Adaakaar se neta bane Kumar aadhi raat ko mein mukhyamantri oman chaandi ke aadhikaarik aavaas gaye aur unhein apna isteefa saunpa. Mukhyamantri kaaryaalaya ke sootron ne bataaya ki isteefe ko mangalvaar ko raajyapaal ke paas bheja jaaega. Lambe samay se chala aa raha paarivaarik vivaad somvaar ko charam bindoo par ja pahuncha jab Kumar ne sthaaneeya adaalat mein talaak ki arji pesh ki. Unhonne aarop lagaaya ki unki patni yaamini unhein blaikamel karti hain aur maarapeet bhi karti hain. Yaamini ne iske javaab mein aarop lagaaya ki vah pichhle 16 saal se ghareloo hinsa ka shikaar hai aur unhonne apne pati par 'Avaidh sambandhon' ka aarop lagaaya. Mahila ne oman chaandi par bhi nyaaya naheen karne ka aarop lagaaya jab vah apne pati ke khilaaf shikaayat lekar un tak pahunchi.

Ghareloo Hinsa Ke Aaropon Ko Lekar Kerala Ke Van Mantri Ne Diya Isteefa https://www.angrejinews.com/pic/4162