Ghar Mein Royal Challengers Ki Khabar Leinge Delhi Daredevils

Cricket »

Ghar Mein Royal Challengers Ki Khabar Leinge Delhi Daredevils

Nai Delhi. . Ballebaajon ke kharaab pradarshan ke kaaran shuruaati match ganvaane ke baavajood Delhi Daredevils madhyakram ki kamjoriyon ka samaadhaan karke IPL-6 ke apne pehle ghareloo match mein shanivaar ko yahaan Rajasthan Royals par baadashaahat barkaraar rakhane ki koshish kareinge. Daredevils ko pehle match mein Kolkata Knightriders ke haathon chhah wicket se haar jhelni padi. Team ko us match mein kevin Peterson, Virendra Sehwag aur JC rider jaise dhurandhar ballebaajon ki kami khali aur maahela jayavardhane ke prayaason ke baavajood team kam score par simat gayi. Daredevils ke liye achhi khabar yah hai ki Sehwag fit hain aur vah kal ke match mein khel sakte hain. Rahul Dravid ki aguvaai waali Rajasthan Royals ne Ferozshah Kotla par ab tak jo teen match khele hain unamein use haar jhelni padi hai. Team is baar yah kram todne ke liye pratibaddh hai aur uske paas aise khilaadi hain jo Daredevils ko uske ghar mein kada sabak sikha sakte hain. All-rounder Shane Watson haalaanki is match mein naheen khel paaenge aur raayals ko nishchit roop se unki kami khalegi. Daredevils ne IPL mein shuroo se lekar ab tak hamesha raayals par apna dabadaba banaaye rakha hai lekin is baar uske liye chunauti jyaada mushkil lag rahi hai. In donon teemon ke beech ab tak jo nau match khele gaye hain unamein se chhah mein Daredevils ne jeet darj ki. Jahaan tak Kotla ka savaal hai to Daredevils ne yahaan 2008 mein nau wicket, 2010 mein 67 run aur 2012 mein ek run se jeet haasil ki thi. Yadi Sehwag vaapasi karte hain to Daredevils ki ballebaaji ko majabooti milegi jo Peterson aur rider ke choton ki vajah se baahar hone ke kaaran kamjor dikh rahi hai. Ross Taylor ka Pune Warriors se judna bhi Delhi ko bhaari pada hai aur David Warner apekshit pradarshan naheen kar pa rahe hain. Aise mein yuva bhaarateeya khilaadiyon ki jimmedaari bhi kaafi badh gayi hai. Unmukt chand, Manpreet juneja aur kedaar jaadhav jaise ballebaajon ne ghareloo cricket mein achha pradarshan kiya hai. Unmukt Kolkata mein pehli geind par out ho gaye lekin Sayyed Mushtaq Ali trofi mein do shatak jadne vaala yah yuva ballebaaj apne ghareloo maidaan par iski bharpaai karna chaahega. Inke alaava yohaan botha ko Kotla ki madadgaar pitch par na sirf apni geind balki balle se bhi behtar pradarshan karna hoga. Pichhle saal sarvaadhik wicket lekar parpal kaip haasil karne vaale maurne Morkel is match mein naheen khel paaenge jisse do saal baad Delhi ki team mein vaapasi karne vaale aasheesh Nehra, haal mein chot se ubarane vaale Umesh Yadav aur Irfan pathaan par jeet ka saara daaromadaar rahega. Vaise Kotla ki pitch se spinron ko madad milne ki sambhaavana hai aur aise mein botha aur shaahabaaj nadeem ki bhoomika mahatvapoorn ho jaaegi. Royals ki team is baar kuchh baileinsd dikh rahi hai lekin use bhi madhyakram mein anubhavi khilaadiyon ki kami khal sakti hai. Ajinkya rahaane yadi pichhle saal ki tarah kamaal dikhaate hain to Royals ko achhi shuruaat milna tay hai. Dravid ke prashansak IPL mein unki ballebaaji ka intajaar kar rahe honge. Royals ke madhyakram mein baid hauj aur ovais shaah ke roop mein do anubhavi ballebaaj hain. Ashok maneriya ghareloo satr mein bahut kamaal naheen dikha paae the aur IPL unke liye form mein vaapasi ka achha manch hoga. Kerala ke yuva wicket keepar ballebaaj sanjoo Samson ne is satr mein ghareloo maichon mein achha pradarshan kiya tatha unhein shreevats Goswami, kushaal parera aur dishaant yaagnik par tarajeeh di ja sakti hai. Watson ki anupasthiti mein team stuart binni aur kevon koopar jaise aalaraaundaron ko antim ekaadash mein rakh sakti hai. West Indies ke fidel Edwards, Australiaee shaun tait aur bhaarateeya team mein vaapasi ki kavaayad mein jute S shreesant ko lene se Royals ki geindabaaji ko majabooti mili hai. Pichhle saal Royals ko death overon mein kaafi pareshaani hui thi jise dekhte hue uske paas baikaap plaan ke roop mein Edwards aur James Falkner maujood hain. Lekin Kotla ke wicket ka mijaaj dekhte hue braid hauj, ajit chandeela, ankit chavhaan aur harameet Singh mein se kinheen do ko antim ekaadash mein jagah mil sakti hai. IPL chhah ka yah pehla match hoga jo shaam chaar baje se khela jaaega.

Ghar Mein Royal Challengers Ki Khabar Leinge Delhi Daredevils https://www.angrejinews.com/pic/4577