General Ka Sapana Chakanaachoor

World »

General Ka Sapana Chakanaachoor

PTI. Islamabad Pakistan ke poorv sainya shaasak general Parvez musharraf ke raajaneetik mahatvaakaankshaaon ko jabardast jhatka laga hai. Yahaan ke ilekshan tribyunal ne mangalvaar ko musharraf ko us sansadeeya kshetr se bhi chunaav ladne se rok diya, jahaan se unka ekamaatr naumineshan manjoor huaa tha. Gaurtalab hai ki isse pehle bhi teen anya seaton Karachi, kasoor aur Islamabad se daakhil kiya gaya musharraf ka naumineshan khaarij kar diya gaya tha. Ilekshan tribunal ne chitral sansadeeya seat se bhi mursharaf ki ummeedavaari ko khaarij kar diya. Yaheen se unka naumineshan manjoor huaa tha. Is faisale se agale maah hone vaale chunaav ke jariye musharraf ke sansad pahunchane ka sapana chakanaachoor ho gaya hai. Mangalvaar ko tribunal ne musharraf ke khilaaf daakhil un paanch arjiyon ko sveekaar kar liya, jinmein unke chitral sansadeeya seat se ummeedavaari ka virodh kiya gaya tha. In arjiyon mein aarop lagaae gaye the ki musharraf ne 2007 mein imarajeinsi laagoo karke samvidhaan ka ullanghan kiya hai. Gaurtalab hai ki chaar saal nirvaasit jeevan bitaakar svadesh lautane vaale musharraf kai raajaneetik aur kaanooni dikkaton ka saamana kar rahe hain.

General Ka Sapana Chakanaachoor https://www.angrejinews.com/pic/5830