Geetika Ki Maan Aatmahatya Maamale Mein Pati-bete Ka Bayaan Darj

Breaking »

Geetika Ki Maan Aatmahatya Maamale Mein Pati-bete Ka Bayaan Darj

Nai Delhi: Poorv air haustes geetika sharma ki maan anuraadha sharma ki aatmahatya ki ghatna ke do dinon baad Delhi police ne ravivaar ko mahila ke pati aur bete ka bayaan darj kiya. Geetika sharma ne bhi chhah maah pehle aatmahatya kar li thi. Jaanchakartaaon ne anuraadha sharma ke pati dinesh aur bete ankit ka bayaan darj kiya aur mahila ke kuchh rishtedaaron se bhi poochhataachh ki. Jaanch se jude ek police adhikaari ne yah jaankaari di. Anuraadha ne shukravaar ki shaam uttari Delhi ke ashok vihaar sthit apne aavaas par aatmahatya kar li. Mahila ne patra chhoda tha jismein usane aatmahatya ke liye Haryana ke poorv gruh raajyamantri gopaal kaanda aur unke sahayogi arun chaddha ko jimmedaar thaharaaya hai. Donon hi abhi mahila ki beti aur poorv air haustes geetika sharma ki aatmahatya maamale mein nyaayik hiraasat mein band hain. Anuraadha ka shanivaar ko antim sanskaar kar diya gaya.

Geetika Ki Maan Aatmahatya Maamale Mein Pati-bete Ka Bayaan Darj https://www.angrejinews.com/pic/2153