Gavaahon Ne Kaha, Hatya Ki Raat Premika Se Lagaataar Lad Rahe The Pistoriys

Breaking »

Gavaahon Ne Kaha, Hatya Ki Raat Premika Se Lagaataar Lad Rahe The Pistoriys

Pritoriya: Blade ranar ke naam se mashahoor olympian oscar pistoriys adaalat mein jab sunavaai ke liye laute to unhein nae aarop ka saamana karna pada ki vah apni premika reeva steenakainp ki maut ke din uske saath lagaataar lad rahe the. Kuchh gavaahon ka kehna hai ki hatya ki raat reeva aur pistoriys ke beech kaafi jhagada huaa tha, jiski aavaajein baahar tak aa rahi theen. Abhiyojakon ka kehna hai ki pistoriys ko pehle bhi hamle ke liye giraftaar kiya gaya tha haalaanki unke khilaaf koi maamala darj naheen kiya gaya tha. Abhiyojak Gary nel ne bataaya ki pistoriys ke ghar ke paas rahane waali ek mahila ne der raat 2 baje se teen baje ke beech lagaataar jhagade ki aavaajein suneen. Police ne bataaya ki ek anya gavaah ne goliyon ki aavaaj aur cheekh suni. Iske baad ek aur baar goliyon ki aavaaj sunaai di. Vaheen pistoriys ke vakeelon ne kaha ki police ke anusaar, gavaah pistoriys ke ghar se 300 meter ki doori par the. Dakshin Africa ke star olympian pistoriys ko jamaanat milne ki raah pehle hi kaafi mushkil hai aur aaj abhiyojan paksh ne police ke saakshya pesh karte hue aarop lagaaya ki unhonne valentine-de ke din apni premika ki iraadatan hatya ki. Police jaanchakarta Hilton botha ne adaalat se kaha ki guruvaar ko reeva ke pistoriys ke pritoriya sthit ghar mein mrut milne se pehle ek gavaah ne unki aavaajein suni thi aur subah 2 se 3 baje ke beech aisa lag raha tha jaise lagaataar ladaai ho rahi hai. Botha ne kaha ki reeva ko bathroom ke darvaaje se teen goliyaan maari gayi, jo unke sir, kohani aur koolhe par lagi. Unhonne kaha goliyaan sambhavat: Nishaana lekar chalaai gayi thi. Unhonne kaha, agar aap aao aur seedhe darvaaje par goliyaan chalaao to aap toilet par nishaana naheen laga paaoge. Reeva ko 14 February ko chikitsakon ne subah sava chaar baje mrut ghoshit kiya tha. Botha ne saath hi kaha ki pistoriys ko gair-laaiseinsi . 38 special kaileebar ka hathiyaar rakhane ke atirikt aarop ka bhi saamana karna hoga. Mangalvaar ko sunavaai ko dauraan olympian aur pairaalanpiyn athlete pistoriys ne iraadatan hatya ke aaropon se inkaar kiya tha. Iraadatan hatya par aajeevan kaaraavaas ka praavadhaan bhi hai. Pistoriys ne adaalat se kaha tha ki unhonne bathroom ke band darvaaje se reeva ko chor samajhakar goli maari di. Unhonne kaha, mera apni premika ki hatya karne ka koi iraada naheen tha. Maut ke samay keval sandigdh aur peedita ki ghar mein the aur aise mein abhiyojan paksh ka maamala kaafi had tak foreinsik saakshyon aur gavaahon par nirbhar hai, jinhonne aarop lagaaya hai ki donon ke beech bahas ho rahi thi.

Gavaahon Ne Kaha, Hatya Ki Raat Premika Se Lagaataar Lad Rahe The Pistoriys https://www.angrejinews.com/pic/2465