Gautam Gambhir Ne Mumbai Indians Par Jeet Ka Shreya Geindabaajon Ko Diya

Breaking »

Gautam Gambhir Ne Mumbai Indians Par Jeet Ka Shreya Geindabaajon Ko Diya

Cuttack: Kolkata Knightriders ke kaptaan Gautam gambhir ne Mumbai Indians par apni team ki chhah wicket se jeet ka shreya geindabaajon ko diya, jinhonne maujooda champion team ko kam score par roka. gambhir ne match ke baad kaha, isse hamaari team ke jajbe ka pata chalta hai. Khilaadiyon ne abhiyaan patari par laane ke liye vaastav mein kadi mehnat ki. Unhonne kaha, toss jeetna achha raha aur uske baad geindabaajon ne bahut achha pradarshan kiya aur unhein 140 run par roka. Narayan ne fir se shaanadaar geindabaaji ki. Vah rahasyamayi geindabaaj hai aur ham bhaagyashaali hain, jo hamaare paas us jaisa geindabaaj hai. Mumbai ne pehle ballebaaji ka nyota milne par paanch wicket par 141 run banaae. Kekeaar ne 18.4 over mein chaar wicket khokar lakshya haasil kiya. Usaki taraf se robin uthappa ne 80 run banaae, jiske liye unhein main of the match chuna gaya. Uthappa ne kaha ki unhonne pichhle kuchh samay mein abhyaas mein ghanton bitaae, jiska unhein sakaaraatmak parinaam mil rahe hain. Unhonne kaha, main kadi mehnat kar raha hoon. Main apne kaushal ko nikhaarane par bhi kaam kar raha hoon. Main apne sahi takaneek se khel raha hoon. Yeh abhyaas mein kai ghante bitaane ka parinaam hai. Uthappa abhyaas ke dauraan pait kamins ki geind par chotil ho gaye the aur unhonne kaha ki sahayogi staaf ki mehnat se hi vah aaj khel paae. Unhonne kaha, kal kamins ki geind mere takhane mein lag gayi thi. Yadi aaj main khel paaya to iska shreya mere staaf ko jaata hai. Main unka aabhaar vyakt karta hoon. Mumbai ke kaptaan rohit sharma ne kaha ki is wicket par ballebaaji karna aasaan naheen tha fir bhi unki team ne 20 run kam banaae. unhonne kaha, is wicket par ballebaaji karna aasaan naheen tha. Lekin humne 20 run kam banaae. Is maidaan par 140 run ke yog ka bachaav karna aasaan naheen tha. Aapko match jeetne ke liye lagaataar 170 run se adhik ka yog banaana hoga. Rohit ne sveekaar kiya ki unke geindabaaj nirantar achha pradarshan naheen kar pa rahe hain. Unhonne aagaami maichon mein star geindabaaj lesith maalinga ki jagah doosare geindabaajon ko aajmaane ke bhi sanket diye. Mumbai ke kaptaan ne kaha, ham achhi geindabaaji kar rahe hain, lekin lagaataar ek jaisa pradarshan naheen kar pa rahe hain. Hamaare paas (maalinga ka sthaan lene ke liye) jos hejelavud, marcheint di leinge aur krushamaar saintonki hain.

Gautam Gambhir Ne Mumbai Indians Par Jeet Ka Shreya Geindabaajon Ko Diya https://www.angrejinews.com/pic/50621