Gautam Gambhir Ke Saath Paari Aagaaj Karne Ka Lutf Utha Rahe Hain Uthappa

Breaking »

Gautam Gambhir Ke Saath Paari Aagaaj Karne Ka Lutf Utha Rahe Hain Uthappa

Kolkata: robin uthappa Kolkata Knightriders ki team mein kaptaan Gautam gambhir ke saath salaami ballebaaj ki nai bhoomika ka aanand utha rahe hain aur unhein lagta hai ki maujooda IPL saat mein is jodi ki safalta ka raaj 'Aatmavishvaas aur aapasi samajh' hai. uthappa aur gambhir donon kuchh samay se bhaarateeya team se baahar chal rahe hain aur donon ki nigaahein maujooda IPL mein shaanadaar pradarshan kar aagaami England daure ke liye raashtreeya team mein jagah banaane par lagi hain. uthappa ne beeti raat chennai Superkings par aath wicket ki jeet dilaai aur kekeaar ko play of sthaan ke kareeb la diya. Unhonne kaha, yeh aatmavishvaas ham donon ke liye achha hai. Gautam aur main ek-doosare ko bakhoobi samajhte hain. Ham apni rananeeti ke anuroop khelte hain aur ek doosare ke poorak hain. Ham wicketon ke beech bhi bahut achha daudte hain. Ek-doosare par bharosa karte hain. Ham dabaav ke baare mein naheen sochate. Ham sirf apni ballebaaji jaari rakhakar apna kaam karne ke baare mein sochate hain. Uthappa ne 39 geind mein 67 run ki paari kheli aur gambhir ke saath pehle wicket ke liye mahaj saat over mein 64 run ki bhaageedaari nibhaai, jo in donon ki teesari 50 run se oopar ki saajhedaari thi. In donon ke naam pichhli paanch paariyon mein do shatakeeya saajhedaariyaan bhi hain.

Gautam Gambhir Ke Saath Paari Aagaaj Karne Ka Lutf Utha Rahe Hain Uthappa https://www.angrejinews.com/pic/51250