Gas Price Par Finance Aur Law Ministreej Se Rai Lega Petrolium Mantraalaya

Business »

Gas Price Par Finance Aur Law Ministreej Se Rai Lega Petrolium Mantraalaya

[ Rajiv jaayasavaal | nai Delhi ] petrolium ministri nechural gas ki keemat badhaane se pehle is baare mein finance aur law ministreej ki rai lena chaahati hai. Is maamale mein Reliance industries ne sarkaar ke rukh ko chaileinj kiya hai. Usane gas ki nai keemat badhaane mein deri par aarbitreshan shuroo kiya hai. Isliye petrolium ministri is baare mein kaanoon mantraalaya se mashavira karna chaahati hai. Pichhli sarkaar ne gas price ke nae faurmoole ko manjoori di thi. Iske mutaabik 1 April se gas ki keemat double honi thi, lekin ilekshan commission ne ise chunaav khatm hone tak rok diya tha. Petrolium ministri ke ek adhikaari ne kaha, 'Yeh leegal ishyoo hai. Daam badhaane ka aarbitreshan prauses par kya asar hoga, is baare mein hamein kaanoon mantraalaya ki rai leni hogi. ' Reliance industries ne aarbitreshan 10 May ko shuroo kiya tha. Usane kaha tha ki company ne is saal 4 arab dollar inavest karne ki yojana banaai hai, lekin vah gas price par tasveer saaf hone ke baad hi is baare mein aakhiri faisala kar paaegi. Gas ki pichhli keemat ko paanch saal ke liye notifaai kiya tha, jiski miyaad is saal 31 March ko khatm ho gayi. Pichhle saal gas ki nai keemat ko cabinet se do baar aprooval mil chuka hai. Enarji sector nai sarkaar ki prauyariti mein kaafi oopar hai. Khabar hai ki petrolium ministar dharmeindr pradhaan ne shukravaar ko pradhaanamantri Narendra Modi se mulaakaat ki thi. Unhonne sector se sambandhit kai masalon par unke saath baatcheet ki. Haalaanki is meeting ki ditel ke baare mein pata naheen chala hai. Pichhli sarkaar mein cabinet ne faisala kiya tha ki har kvaurtar ke liye gas ki keemat ka ailaan pehle hi kar diya jaaega. Isse 1 April se gas ki keemat badhaane ko lekar koi ulajhan naheen rah jaaegi. Petrolium ministri ke adhikaariyon ka kehna hai ki is vajah se bhi doosare mantraalayon se is baare mein charcha jaroori hai. Ek anya adhikaari ne kaha, 'Ham April-June kvaurtar ke liye gas ki keemat tay karne ki deadline miss kar chuke hain. Isliye hamein cabinet se nae sire se aprooval lena padega. Agar gas ki nai keemat 1 April se laagoo ki jaati hai to fartilaaijar subsidy mein bhi April-June kvaurtar se badhotri karni hogi. ' petrolium ministri ke saamane teesari chunauti gas price faurmoole mein heet vailyoo ka kailakuleshan hai. Reliance industries maang kar rahi hai ki nai keemat graus kailorifik vailyoo (jeeseevi) ke aadhaar par tay ki jaae kyonki rangaraajan faurmoole mein sabhi inputs ko jeeseevi basis par manjoori di gayi hai. Haalaanki abhi domestik gas price net kailorifik vailyoo (enaseevi) ke aadhaar par tay ki gayi hai, jo 10 parseint kam hai. Is baare mein rangaraajan faurmoole mein kuchh naheen kaha gaya hai. Isliye fartilaaijar companiyon jaise kanjyoomars is maamale mein tasveer saaf kiye jaane ki maang kar rahi hain.

Gas Price Par Finance Aur Law Ministreej Se Rai Lega Petrolium Mantraalaya https://www.angrejinews.com/pic/52473