Garmiyon Mein 10 Feesadi Tak Badh Sakta Hai Havaai Kiraaya

Business »

Garmiyon Mein 10 Feesadi Tak Badh Sakta Hai Havaai Kiraaya

Vishesh samvaadadaata . . Nai Delhi is baar garmiyon mein havaai yaatra aapki jeb par bhaari pad sakti hai. Anumaan hai ki havaai kiraayon mein 10 feesadi tak ki badhotri ho sakti hai. Haalaanki, is vakt demand aur saplaai kareeb baraabar hone ki vajah se filhaal kiraayon mein badhotri dekhne mein naheen aa rahi hai. Yoonivrsal federation of traival ejeints ke south Asia ke director rajji rai ka kehna hai ki abhi to havaai kiraae saamaanya hain, lekin agale kuchh maheenon mein garmiyon ke season ki vajah se yahi sthiti naheen rahane waali. Is dauraan paiseinjaron ki taadaad badhegi aur jaahir hai ki uske saath kiraayon mein bhi 10 feesadi tak ki badhotri ho sakti hai. Unka kehna hai ki daraasal, agale maheene se hi garmiyon ke tikt ki booking shuroo ho jaaegi. Iske saath bhaar badhega aur demand-saplaai mein antar dekhne ko milega. Aise mein kiraaya badhna tay hai. Ek aur eksapart ka kehna hai ki trainon ki booking ki sthiti ki vajah se bhi havaai kiraae prabhaavit honge. Bhale hi railway ne atirikt trainein chalaane ka faisala kiya hai, lekin iske baavajood jis tarah garmiyon mein trainein ful chalti hain, usase saaf hai ki air paiseinjaron ki taadaad bhi badhegi. Udhar, traival ejeints ka maanana hai ki bhale hi sarkaar ne garmiyon mein har saptaah 11541 udaanon ka schedule tay kiya ho, lekin iske baavajood demand ke mukaabale ye seatein kaafi kam hain. Iske alaava April aur May mein Karnataka mein chunaavi gatividhiyaan raheingi. Isse raajya ke kai jagahon ke air sector par bhi seaton ki demand jyaada rahegi. Naagar vimaanan mantraalaya ke sootron ka kehna hai ki garmiyon ke season ke liye na sirf ghareloo destineshan balki intaranaishanal destineshan ke liye bhi saalaana 2116 flaaits ka schedule tay kiya gaya hai.

Garmiyon Mein 10 Feesadi Tak Badh Sakta Hai Havaai Kiraaya https://www.angrejinews.com/pic/4676