Garmi Ne Dikhaae Tevar, Paara 44 Ke Paar

India »

Garmi Ne Dikhaae Tevar, Paara 44 Ke Paar

IANS. Lucknow : Rajdhani Lucknow sahit uttar pradesh ke lagbhag sabhi hisson mein prachand garmi aur tapish ka daur jaari hai. Soobe mein paara 44 degree ko paar gaya hai. Garmi ka aalam yah hai ki subah se hi loo ke thapede kahar barapa rahe hain. Pichhle 24 ghanton ke dauraan Allahabad raajya ka sabse garm sthaan raha jahaan adhiktam taapamaan 44.2 degree darj kiya gaya. Vaheen, Varanasi ka 43, sultaanapur ka 42 degree aur rajdhani Lucknow ka adhiktam taapamaan 41.3 degree darj huaa. Mausam vibhaag ke adhikaariyon ne kaha ki aane vaale kuchh dinon mein adhiktam aur nyoonatam taapamaan mein aur badhotri hone va garm havaaen chalne ki sambhaavana hai. Adhikaariyon ke anusaar, garm havaaen logon ki pareshaani aur badha rahi hain. Mausam vibhaag ke anusaar ravivaar ko rajdhani Lucknow ka nyoonatam taapamaan 20 degree celcius darj kiya gaya, jabki Varanasi ka nyoonatam taapamaan 21 degree, Kanpur ka 201 degree, Allahabad ka 22.4 degree celcius darj kiya gaya.

Garmi Ne Dikhaae Tevar, Paara 44 Ke Paar https://www.angrejinews.com/pic/7815