Garmi Mein Rula Sakti Hai Bijli Ki Killat

Business » Friday, April 19, 2013

mitul thakkar nai Delhi desh ke jyaadaatar hisson mein garmi bardaasht se baahar ho sakti hai, kyonki bijli saplaai ki haalat bahut kharaab hai. Kuchh raajya peek season mein aadhi demand bhi poori naheen kar paaenge. Ise dekhte hue ek baar fir grid fail hone ki aashanka badh gayi hai. Un jagahon par haalaat bahut kharaab hain, jahaan raajya bijli board ki maali haalat khasta hai. In raajyon mein jaroorat ke mutaabik bijli saplaai ke order naheen diye gaye hain. Ye raajya bijli ki laagat vasool naheen kar paae hain, isliye ve iski jyaada khareedaari mein dilchaspi naheen le rahe hain. Isse unhein loss badhne ka dar hai. Sarkaar ko iski chinta hai ki raajyon mein bijli ki demand aur saplaai ke beech bada antar hone se national grid khatre mein pad sakta hai. Pichhle saal yah naatakeeya dhang se fail ho gaya tha. Isse kuchh dinon tak aadha desh andhere mein doob gaya tha. Power ministri ne grid fail hone se bachaane ke liye bijli ki kami vaale raajyon ko lod sheding schedule jama karne ke liye kaha hai. Uttaraakhand, Rajasthan aur Chhattisgarh ke power plaants ne power ministri ko demand-saplaai ka projekshan naheen diya hai. Adhikaariyon ne bataaya ki sarkaar grid anushaasan par kadi najar rakhegi. Dakshin Bhaarat ke kai raajyon mein pehle se bhaari bijli sankat hai. Traansamishn faisiliti paryaapt naheen hone se gaip bharna aur industry ke liye kaamkaaj karna mushkil ho jaaega. Uttar Bhaarat ke bhi haalaat chinta ka sabab bane hue hain. Adhikaariyon ne bataaya ki uttar pradesh ke power plaants demand aur limited saplaai ke beech baileins banaane ke liye blaikaaaut kar sakte hain. Raajya mein 15,850 megawatt ki anumaanit demand aur 7,000 megawatt ki kami rah sakti hai. Adhikaariyon ne bataaya ki raajya sarkaar Himachal pradesh se 1000 megawatt ki sasti bijli khareedaari ke teindar ko antim roop day rahi hai. Punjab mein 2012-13 mein lagbhag 3,500 megawatt ki bijli shaurtej thi. Vah is saal defisit ghataakar 3,000 megawatt kar sakti hai. Punjab Rajasthan, Jammu-Kashmir, Himachal pradesh aur Gujarat se short tarm power le sakta hai. Is saal garmiyon mein yahaan se 13,200 megawatt bijli ki maang nikal sakti hai, jo pichhle saal 12,200 megawatt thi. Bijli ki kami to pahaadi raajyon mein bhi hai. Pichhle saal 1,672 megawatt bijli ki jaroorat par 434 megawatt ki shaurtej vaale Himachal pradesh ko is saal bhi dikkat ho sakti hai. Sabse jyaada distribyooshan loss vaale raajyon mein shaamil Jammu-Kashmir is saal garmiyon ki peek demand ki aadhi bijli saplaai kar paaega.