Gareebon Ko Free Mobile Dene Ka Plaan Adhar Mein

India »

Gareebon Ko Free Mobile Dene Ka Plaan Adhar Mein

pramukh samvaadadaata . Nai Delhi gareebon ko muft mein taukataaim ke saath mobile baantane ki kendra sarkaar ki yojana ab atakati dikh rahi hai. Pehle vitt mantraalaya aur ab kaanooni salaah mein adchan aane ki aashanka bataae jaane ke baad ise filhaal taal diya gaya hai. Haalaanki UPA-2 sarkaar ke liye yah chunaav se pehle laagoo karne waali lokapriya yojanaaon ki list mein shaamil thi. Is yojana ki ghoshana pradhaanamantri Manmohan Singh 15 August ko hi karne vaale the lekin jab bhi ise antim roop dene ki koshish hui, baadhaaen saamane aati raheen. Daraasal, is yojana ke liye raashi telikaum mantraalaya mein jama yoonivrsal obligeshan fund se jutaane ki yojana thi. Is fund mein lagbhag 30 hajaar karod rupaye jama hain aur sarkaar ki yojana isi fund se muft mein mobile dene ki thi. Lekin sootron ke anusaar is masale par jab kaanoon rai li gayi to kaha gaya ki agar is fund se yojana laagoo ki gayi to isse kaanooni adchanein saamane aa sakti hain. Daraasal, is fund ko banaane ka maksad graameen ilaakon mein telikaum ka vistaar karna hai. Ismein tamaam telikaum companiyaan har saal apne munaafe ka ek hissa anivaarya roop se jama karti hain. Kaanooni salaahakaaron ke anusaar is fund ko agar chunaavi yojana mein lagaaya gaya to sarkaar ko ise vaajib thaharaane mein pareshaani ho sakti hai. Yah sab dekhte hue sarkaar ne filhaal fund ka doosra vikalp hone tak is yojana ko hi taal diya hai. Is yojana par shuruaati charan mein anumaanit taur par 1 hajaar karod rupaye kharch karne ki yojana thi.

Gareebon Ko Free Mobile Dene Ka Plaan Adhar Mein https://www.angrejinews.com/pic/6602