'Ganna Kisaanon Ko Na Mila Poora Pemeint To Ghereinge Mil

Breaking »

'Ganna Kisaanon Ko Na Mila Poora Pemeint To Ghereinge Mil

vishesh samvaadadaata. Lucknow : Loksabha chunaav paas aate hi UP BJP ko kisaanon ki chinta sataane lagi hai. Ganna kisaanon ke bakaaye ka bhugataan karne ki maang pradesh BJP ne somvaar ko uthaai. Party ke pradesh adhyaksh lakshmeekaant Vajpayee ne chetaavani di ki agar ganna kisaanon ke bakaae ka bhugataan jald na kiya gaya to party ke hajaaron varkar sadkon par utareinge. Party ke pradesh adhyaksh Dr. Lakshmeekaant baajapeyi ne kaha ki SP raaj mein lagaataar kisaanon ki samasyaaon ko najaraandaaj kiya ja raha hai. Isko party katai bardaasht naheen karegi. Unhonne chetaavani di ki agar kisaan virodhi sarkaar ne jaayaj maangon ko naheen maana to milon ka gheraav kiya jaaega aur maalikon ko milon mein ghusne naheen diya jaaega. Jaroorat padne par BJP vidhaanasabha ka gheraav bhi karegi. Kis mil par kitna bakaaya? Baajapeyi ne kaha ki sahaaranapur, amaroha, aanand gopi, milk naaraayanapur, nioli, badaayoon, bilaasapur aur poorvi uttar pradesh mein basti, haata, gadaura, utaraula, prataapapur, rudauli, sisvaan baajaar, tulasi pur, vaaltar ganj aur rasada ki ganna milon ne kisaanon se ganna khareedkar unhein bhugataan naheen diya aur milon ko band kar diya. Pradesh ke vibhinn bhaagon mein chal rahi cheeni milon par ganna kisaanon ka kaafi paisa bakaaya hai. Sahaaranapur ki cheeni mil par 628 lakh, aanand gopi mil par 6.49.11 lakh, milkanaaraayanapur mein cheeni mil par 4970 lakh, niyoli mil par 2957.47 lakh, badaayoon sthit cheeni mil par 1809.75 lakh, bilaasapur sthit cheeni mil par 11910.32 lakh rupaye bakaaya hai. Kul 5255.81 lakh ki dendaari Dr. Baajapeyi ne bataaya ki 2012-13 ke aankadon ke anusaar kooparetiv aur private ganna milon par kisaanon ka 5255.81 lakh rupaye bakaaya hai. Dr. Baajapeyi ne ganna mil ke prabandhakon par aarop lagaaya ki kai ganna milaane ne kisaanon se ganna lene se inkaar kar diya hai, jisse kisaan apni fasal ko aune-paune daamon mein bechne ko majaboor hain. Unhonne kaha ki pradesh sarkaar tatkaal kisaanon ke bakaaya ganna moolya ka bhugataan jald karne ki vyavastha karein aur difaultar cheeni milon ke khilaaf kaarravaai kare. Unhonne kaha ki season ke dauraan vidyut aapoorti ki suchaaroo vyavastha ki jaae. Iske saath hi kisaanon ke karj bhi maaf kiye jaaen.

'Ganna Kisaanon Ko Na Mila Poora Pemeint To Ghereinge Mil https://www.angrejinews.com/pic/4119