Gang-rape Peeditaaon Ke Parivaar Se Aaj Mileinge Rahul

Breaking »

Gang-rape Peeditaaon Ke Parivaar Se Aaj Mileinge Rahul

File photo File photo Nai Delhi: Congress upaadhyaksh Rahul Gandhi aaj uttar pradesh ke badaayoon jaaenge aur saamoohik dushkarm ki do peeditaaon ke parijanon se mulaakaat kareinge. Party sootron ne yeh jaankaari di. is ghatna ko lekar bhaari virodh ho raha hai aur aaj do kaanstebalon ko barkhaast kar diya gaya tatha ek anya aaropi ko giraftaar kiya gaya. Uttar pradesh sarkaar ne vaada kiya hai ki doshiyon ko dandit karne ke liye fast track adaalat gathit ki jaaegi. yeh kaarravaai ladkiyon se saamoohik dushkarm aur uske baad ek vruksh par unka shav latakate hue paae jaane ke teen din baad ki gayi hai. Delhi mein gruh mantri Rajnath Singh ko adhikaariyon dvaara ghatna ki jaankaari di gayi. donon ladkiyon ki umr 14 aur 15 varsh thi aur ve rishtedaar theen. Donon 27 May ki raat se apne ghar se laapata thi. Agali subah unke shav ko gaanv ke usahait ilaake ke ek vruksh se lataka paaya gaya.

Gang-rape Peeditaaon Ke Parivaar Se Aaj Mileinge Rahul https://www.angrejinews.com/pic/52273