Gang-rape Peedita Ko Thaane Se Bhagaaya

India »

Gang-rape Peedita Ko Thaane Se Bhagaaya

teeenaen. Lucknow : Lagta hai ki Supreme court ki fatkaar ka bhi UP ke policekarmiyon par koi asar naheen pada hai. Supreme court ne guruvaar ko Delhi aur UP sarkaar ke vakeel se Delhi aur Aligadh ke maamalon mein kaha tha ki kya aapko sharm naheen aati ki aapke pradesh mein mahilaaon se jaanvaron se bhi badatar salook kiya jaata hai? Ab Lucknow ke maadiyaanv police thaane mein apaharan aur rape ki FIR likhaane gayi peedit mahila ko policekarmiyon ne thaane se bhaga diya. Baad mein SSP ke dakhal ke baad mahila se shikaayat li gayi, lekin is maamale mein aupachaarik FIR ab tak darj naheen hui hai. 22 April ko IIM rod nivaasi ek mahila apne ghar se kuchh saamaan khareedne dukaan par gayi thi. Uske baad se vah laapata thi. Peedit mahila ke pita ek dihaadi majadoor hain. Mahila ke parijanon ne pehle to use pados mein talaash kiya aur rishtedaaron se poochhataachh ki. Iske baad parijan ladki ke apaharan ki FIR darj karaane police station pahunche. Maamale ki report likhne ki jagah policekarmiyon ne peediton par hi apne bachchon ki theek dhang se dekhbhaal na karne ka aarop lagaaya. Unhonne ladki ke chaal-chalan par bhi ungali uthaai. Policekarmiyon ka kehna tha ki ladki jaroor kisi ke saath bhaag gayi hogi. Iske liye shikaayat darj karne ki koi jaroorat naheen hai. Koi raasta na dekhkar peedit ke parijan ghar laut aae. Budhvaar ki raat ladki ast-vyast haalat mein ghar pahunchi aur unase parijanon ko apne saath ghate vaakaye ke baare mein bataaya. Peedita ke anusaar ghatna ke din jab vah ghar se nikalkar men rod par pahunchi hi thi, usi samay ek car uske saamane aakar ruki. Car mein se 2 logon ne utarakar usaka munh dabaaya aur use jabaran car mein baitha liya. Use bandook ki nonk par bandhak banaakar sunasaan jagah le jaaya gaya, jahaan uske saath 24 ghante se bhi adhik samay tak logon ne baar-baar gang-rape kiya. Iske baad parivaar dobaara is ghatna ki shikaayat darj karaane police station pahuncha. Is baar bhi policekarmiyon ne maamala darj naheen kiya, alabatta yah jaroor kaha ki ladki jaroor kisi ke saath bhaag gayi hogi aur ab apne ko nirdosh saabit karne ke liye vah gang rape ka bahaana bana rahi hai.

Gang-rape Peedita Ko Thaane Se Bhagaaya https://www.angrejinews.com/pic/6919