Gang-rape Peedit Yuvati Ne Di Aatmahatya Ki Chetaavani

India »

Gang-rape Peedit Yuvati Ne Di Aatmahatya Ki Chetaavani

hisaar. . Insaaf ke liye dar-dar bhatak rahi gang-rape ki shikaar ek yuvati ne insaaf naheen milne par aatmahatya karne ki chetaavani di hai. Peedita ne ghatna ke ek maheene baad bhi ek bhi aaropi ko giraftaar naheen kiye jaane se police par laaparavaahi baratne ka aarop lagaaya hai. Saath hi peedita ke parivaar ne samjhaute ke liye dabaav daale jaane ka bhi aarop lagaaya hai. Ghatna ke mutaabik, hisaar jile ke gaanv bhaini ameerapur ki 21 varsh ki ladki ko agava karke uske saath 12 logon ne gang-rape kiya. Peedita ka aarop hai ki 27 March ki raat ko gaanv ke robin, naanoo, Narendra aadi ne ghar se usaka apaharan kar liya tha. Iske baad dinesh ke ghar par dinesh, Narendra, deepak, naanoo aur ramesh ne uske saath gang-rape kiya. Iske baad use sirsa le jaaya gaya. Sirsa mein uske saath Rampal ne rape kiya. Is dauraan use ghatna ki jaankaari kisi ko dene par jaan se maarane ki dhamaki bhi di gayi. Aarop hai ki deepak, uske pita aur anya rishtedaar sirsa se use ratera gaanv le gaye. 1 April ko dinesh, Narendra aur naanoo ne uske saath fir balaatkaar kiya. Naaranaund police ne 10 April ko ladki ki shikaayat par raamafal, robin, dinesh, Narendra, deepak, naanoo, ramesh, Rampal, moorti ke alaava deepak ke maama aur foofa sahit 12 aaropiyon ke khilaaf apaharan aur saamoohik balaatkaar ka maamala darj kiya tha. Peedita ke parijanon ka kehna hai ki is baare mein police ke aala adhikaariyon se milkar nyaaya ki guhaar lagaai ja chuki hain, lekin abhi tak aaropiyon ke khilaaf koi kaarravaai naheen ki gayi hai. Is par gang-rape ki peedita ne aaropiyon ki jald giraftaar naheen kiye jaane par aatmahatya karne ki chetaavani di hai. Ladki ke bhaai ka kehna hai ki police ne 12 logon ke khilaaf maamala to darj kar liya, lekin kisi bhi aaropi ko giraftaar naheen kar saki hai. Peedita ke bhaai ne bataaya ki aaropiyon ke parijanon dvaara un par lagaataar samjhaute ke liye dabaav daala ja raha hai. Police adhikaari Kailash chandra ne bataaya ki filhaal aaropon ki jaanch ki ja rahi hai.

Gang-rape Peedit Yuvati Ne Di Aatmahatya Ki Chetaavani https://www.angrejinews.com/pic/6964