Gang-rape Ke Liye Tourist Doshi, Bole Raajya Ke Gruh Mantri

India »

Gang-rape Ke Liye Tourist Doshi, Bole Raajya Ke Gruh Mantri

Datiya. . Madhya pradesh ke gruh mantri umaashankar gupta ne datiya mein videshi tourist se gang-rape maamale par ajeeb sa bayaan diya hai. Maamale ko durbhaagyapoorn bataate hue unhonne ise tourist ki laaparavaahi ke saath jod diya. Unhonne kaha ki videshi toorists ko apni gatividhiyon ke baare mein police ko bataana chaahiye. Toorists niyamon ka paalan naheen kar rahe hain. Jab videshi toorists aate hain to unhein apni yojanaaon ke baare mein SP ko bataana chaahiye. Yahi system hai, lekin isko follow naheen kiya ja raha hai. Haalaanki, gupta ne yah bhi kaha ki aage is tarah ke maamale naheen hon, iske liye sarkaar harsambhav kadam uthaaegi. Mujarimon ko pakadne ka daava Switzerland ki tourist ke saath madhya pradesh mein hue gang-rape maamale mein police ko kaamayaabi milne ki khabar hai. Gang-rape maamale mein police ne ravivaar raat tak sabhi aaropiyon ko giraftaar kar liya. Iske pehle shaam tak paanch aaropiyon ko giraftaar kiya gaya tha jabki chhathavein aaropi ko raat mein teekamagadh jile se giraftaar kar liya gaya. Gvaaliyr chanbal range ke mahaanireekshak SM Afzal ne bataaya, ''Videshi mahila se gang rape maamale ke chhathavein aaropi nitin kanjar ko teekamagadh jile ke nivaadi se giraftaar kar liya gaya hai. '' giraftaar kiye gaye aaropiyon ke naam Baba, bhutaha, raamapro, gaja urf brajesh, vishnu kanjar, evam nitin kanjar hain. Raajya police ne ravivaar ko daava kiya ki jin aaropiyon ko arest kiya hai unhonne rape karne ki baat kabool ki hai. Iske alaava unke paas se peedita aur unke pati ka mobile, laptop aur anya saamaan baraamad hue hain. Udhar, Congress party ki raajya ikaai ne is maamale par poore raajya mein virodh pradarshan ki baat kahi hai. Switzerland stabdh Switzerland ka kehna hai ki Bhaarat mein apne naagrik se gang-rape hone ki khabar se vah stabdh hai. Usane maang ki hai ki maamale ke doshiyon ki jald se jald pehchaan kar unhein saja di jaae. Switzerland ke videsh mantraalaya ne ek bayaan jaari kar kaha, Bhaarat mein kaaryarat Swiss raajanayik vahaan ke sthaaneeya adhikaariyon ke saath sampark mein hain. Iske alaava nai Delhi sthit Swiss dootaavaas aur Mumbai sthit vaanijya dootaavaas peedit kapal ko harsambhav suvidhaaen muhaiya kara rahe hain

Gang-rape Ke Liye Tourist Doshi, Bole Raajya Ke Gruh Mantri https://www.angrejinews.com/pic/3280