Gang-rape Ke Baad Hatya Maamale Mein 4 Giraftaar

India »

Gang-rape Ke Baad Hatya Maamale Mein 4 Giraftaar

bhaasha . Aligadh : UP ke Aligadh jile mein ek naabaalig ladki se kathit roop se saamoohik balaatkaar ke baad hatya ke maamale mein police ne guruvaar ko 4 logon ko giraftaar kiya. Varishth police adheekshak amit paathak ne bataaya ki 26 March ko madarak kshetr ke mukanapur gaanv mein 12 saal ki ek ladki ki kathit saamoohik balaatkaar ke baad hatya ke maamale mein police ne raamaveer, pintoo, deva aur chheta naamak vyaktiyon ko giraftaar kiya hai. Pakade gaye logon par aarop hai ki unhonne 26 March ki shaam ko mukanapur gaanv ke paas kooda feinkane gayi 12 saal ki peedit ladki ko sharaab ke nashe mein dhut hokar maara-peeta, fir usase saath saamoohik balaatkaar kiya. Is haadase ke baad ladki ki maut ho gayi. Paathak ne bataaya ki ladki ka haath-pair bandha shav ek khet mein feink diya gaya tha. Giraftaar aaropiyon se poochhataachh ki ja rahi hai.

Gang-rape Ke Baad Hatya Maamale Mein 4 Giraftaar https://www.angrejinews.com/pic/4520