Gandhinagar Se Jeetkar Kaalajayi Netaaon Ki Kataar Mein Khada Hona Chaahate Hain Amit Shaah

Breaking »

Gandhinagar Se Jeetkar Kaalajayi Netaaon Ki Kataar Mein Khada Hona Chaahate Hain Amit Shaah

Ajay umat, ahamadaabaadabeejepi adhyaksh amit shaah Gujarat ke Gandhinagar seat se Loksabha ka chunaav ladne ja rahe hain. Yeh mahaj isliye naheen hai ki ve yahaan se aasaani se jeet sakte hain. Daraasal, unhein ummeed hai ki yahaan se mili jeet unhein party ke kaalajayi netaaon ki kataar mein khada kar degi. Jo log amit shaah ko jaante hain unhein pata hai ki pichhle 23 saal se unhonne apni mehnat se is seat ko BJP ke liye abhedya kila bana diya hai. Yeh bhi padhein: BJP ki ek aur list, kul 286 naam ghoshit Unka kehna hai ki amit shaah ne is seat par bahut mehnat ki hai. BJP ke diggaj netaaon atal bihaari baajapeyi, Advani ko thaal mein sajaakar yeh seat saunpi aur ve yahaan se jeete bhi. Ab jab amit shaah khud yahaan se chunaav lad rahe hain, to ummeed hai ki yahaan se mili jeet party mein unke badh rahe kad ko aur chamakadaar banaaegi. Raajaneeti ke jaankaaron ka kehna hai ki BJP ke kai diggaj yahaan se chunaav lad chuke hain. 1989 se yeh seat BJP ke kabje mein hai. Tab party ke kaddaavar neta shankar Singh baghela yahaan se jeete the. 1991 ke aam chunaav mein yahaan se laal Krishna Advani ne pehli baar jeet darj ki. Iske baad yahaan se Advani ne 6 baar jeet haasil ki. 1991 ke chunaav ko yaad karte hue diggaj neta shankar Singh vaghela kehte hain ki us vakt Gandhinagar se main saansad tha. Advani ko chunaav ladne ke liye ek sef seat ki jaroorat thi. Tab mainne unke liye yeh seat chhod di thi. Main godhara se chunaav lada aur Advani Gandhinagar se. Yeh bhi padhein: Bihar: NDA mein naheen tham raha raar, giriraaj naaraaj 1996 mein jab Advani ka naam havaala skaindal mein aaya tha to unhonne bedaag saabit hone tak chunaavi raajaneeti se door rahane aur Loksabha chunaav na ladne ka nirnaya liya tha. Us vakt is seat se chunaav ladne ke liye atal bihaari Vajpayee se nivedan kiya gaya. Us vakt Vajpayee ne Lucknow ke saath Gandhinagar par bhi vijay ka paracham laharaaya tha. Haalaanki baad mein Vajpayee ne Gandhinagar seat chhod di thi. Iske baad hue upachunaav mein BJP ke vijyabhaai Patel yahaan se jeete. 1998 se Advani yahaan se seeting saansad hain. Raajaneeti ke jaankaaron ka kehna hai ki Gandhinagar seat BJP ka abhedya kila hai. Advani yahaan se 6 baar jeet aur har baar jeet ka margin kam se kam ek lakh vote raha hai. Yeh bhi padhein: 2024 mein Jhansi se hi ladoongi chunaav: Uma bhaarati Ek BJP neta ne naam na bataane ki shart par kaha ki ek baar Advani se baatcheet ke dauraan poorv pradhaanamantri atal bihaari Vajpayee ne kaha ki Gandhinagar seat aapke (Advani) liye maala sinha ke gaal ki tarah hai. Jahaan se aap aasaani se jeet jaate hain. BJP neta ka kehna hai ki is seat ko BJP ke liye abhedya kila banaane ka poora kredit amit shaah ko jaata hai. Unhonne kaha ki Gandhinagar se chaahe koi bhi jeete, lekin asli vijeta party adhyaksh amit shaah hi hain. Unhonne kaha ki shaah 1996 se hi is Loksabha seat par bataur sanyojak kaam kar rahe hain. Yeh shaah hi hain jinhonne is seat ko BJP netaaon ki jeet ke liye taiyaar kiya. Gandhinagar Loksabha seat par kareeb 18 lakh rajistard votar hain. Is Loksabha ke andar kai mahatvapoorn vidhaanasabha ki seatein hain. Haalaanki Gujarat mein party ke bheetar kai tarah ke antarkalah hain. Shaah ke is seat par chunaav ladne ki ghoshana se saaf hai ki netrutv ka sandesh saaf hai ki party ki is seat par khaas najar hai.

Gandhinagar Se Jeetkar Kaalajayi Netaaon Ki Kataar Mein Khada Hona Chaahate Hain Amit Shaah https://www.angrejinews.com/pic/263057