Gande Mesej Bhejane Par Navy Afsar Barkhaast

India »

Gande Mesej Bhejane Par Navy Afsar Barkhaast

vishesh pratinidhi. Nai Delhi nausena ke ek senior afsar ko kai mahilaaon ko gande sandesh bhejane ke aarop mein barkhaast kar diya gaya hai. Afsaron aur unki patniyon ke beech avaidh rishton ke aaropon ke beech nausena ne sakht rukh apnaate hue afsar ke khilaaf general court maarshal ki kaarravaai ki aur aarop sahi paae jaane par unhein barkhaast karne ka faisala liya. Gaurtalab hai ki pichhle hafte hi raksha mantri A ke Antony ne nausena ke ek afsar ko is aarop ke aadhaar par barkhaast kar diya tha ki usane senior afsar ki patni ke saath avaidh rishte bana liye the. Yahaan nausena ke pravakta commander pi. Vi. Sateesh ne bataaya ki commander raink ke jis afsar ko barkhaast kiya gaya hai vah nausena ke ekamaatr vimaanavaahak pot viraat par tainaat hai. Is saal January mein ek court maarshal ne ukt afsar ko barkhaast karne ki sifaarish ki thi. Pravakta ne kaha ki nausena mukhyaalaya ne is sifaarish ko maan kar afsar ko barkhaast kar diya. Pravakta ne kaha ki barkhaast kiye gaye afsar ne ek afsar ki tarah aacharan naheen dikhaaya. Ukt afsar ne nausena ke andar aur baahar ki mahilaaon ko gande SMS bheje the. Is afsar ko barkhaast karne ka faisala nausena mukhyaalaya ne aise mauke par liya hai jab nausena patniyon ki adalaabadali ke aaropon se joojh rahi hai. Raksha mantri Antony ne bhi yah saaf nirdesh diya hai ki senaaon ke bheetar is tarah ke aacharan vaale adhikaariyon ke khilaaf kaarravaai ki jaaegi. Aise adhikaariyoein ke khilaaf Delhi, Kerala ki police ke alaava nausena mukhyaalaya mein bhi tahakeekaat ki ja rahi hai. Do saal pehle bhi nausena ke ek commodore raink ke adhikaari ke khilaaf roos mein ek mahila ke saath avaidh sambandh banaane ke aaropon ke baad kaarravaai ki gayi thi. Yah adhikaari Admiral gorshakov vimaanavaahak pot ke aadhunikeekaran ka daayitv sanbhaal raha tha.

Gande Mesej Bhejane Par Navy Afsar Barkhaast https://www.angrejinews.com/pic/5687