Gaayab Huin Alag-alag, 10 Saal Baad Mileen Ek Ghar Mein

World »

Gaayab Huin Alag-alag, 10 Saal Baad Mileen Ek Ghar Mein

Ohaayo. . Kareeb 10 saal pehle do ladkiyaan alag alag jagahon se gaayab ho gayi theen. Ab 10 saal baad donon mil gayi hain, vah bhi ek hi ghar se. Chaunkaane waali baat to yah hai ki usi ghar se ek aur mahila mili hai aur vah bhi kaafi dinon se gaayab theen. Ghatna America ke ohaayo raajya ki hai. Kleevalaind shahar ki police ke mutaabik amaanda beri 16 saal ki umr mein 2003 se gaayab theen, jabki iske ek saal baad 14 saal ki jina di jeesas bhi gaayab ho gain. Kleevalaind ke jis ghar se ye donon mahilaaen mili hain, usi ghar se 32 saal ki Michelle night bhi mileen. Vah bhi saalon pehle se gaayab theen. Ek kam umr ki ladki bhi ghar se chhudaai gayi hai. Ek vyakti ne inhein ek ghar mein band kar rakha tha. Police ne is maamale mein 52 saal ke ek shakhs aur do anya ko giraftaar kiya hai. Aaropi aaparaadhik kshavi ka hai. Maamale ki jaanch chal rahi hai. Police ka kehna hai ki sabhi mahilaaen svasth hain aur unhein aspataal le jaaya gaya hai. Aspataal ke Doctor geraald mailoni ke anusaar aamtaur par is tarah ki kahaaniyaan sunate rahate hain. Doctor ne kaha ki mahilaaen aspataal karmachaariyon se baatcheet karne mein saksham hain. Isse adhik jaankaari dene se mana kar diya. Ded maan liya tha aisa maana ja raha tha ki in ladkiyon ki maut ho chuki hai. Inmein se ek ki maan ko lagta tha ki unki beti ko gulaami karne ke liye bech diya gaya hai. Itne dinon baad unke jinda bach jaane ki ummeed naheen thi. Jis vyakti ne in mahilaaon ko ghar mein band kiya tha, usaki pehchaan amaanda beri ne eriyl kaastro ke roop mein ki hai. Maamale ki jaanch abhi jaari hai. Padosi ne bachaaya ek pratyakshadarshi ne ek sthaaneeya TV channel ko bataaya ki usane ek mahila ko ek bachche ke saath dekha tha. Vah madad ke liye chilla rahi thi. Usane mahila ko darvaaja khol baahar nikalne ki salaah di, lekin darvaaja band tha. Usane kisi tarah mahila va usaki beti ko baahar nikaala. Mahila ne bataaya ki ghar mein aur bhi log hain. Iske baad ghar se sabhi mahilaaen chhuda li gain.

Gaayab Huin Alag-alag, 10 Saal Baad Mileen Ek Ghar Mein https://www.angrejinews.com/pic/8055