Gaaya Ki Poonchh Pakad PM Baneinge Mulaayam

India »

Gaaya Ki Poonchh Pakad PM Baneinge Mulaayam

vijay Dixit. Lucknow : Loksabha chunaav mein UP se jyaada se jyaada seaton par kabja kar mulaayam ko PM banavaane ka SP ne lakshya tay kiya hai. Isi koshish mein mukhyamantri Akhilesh Yadav chhaatron ko laptop aur tablet baant chuke hain. Ab kisaanon ko SP ke chunaav chinh saaikal ke saath ek gaaya bhi baanti jaaegi. Aisa lagta hai ki mulaayam gaaya ki poonchh pakadkar aagaami Loksabha chunaav ki vaitarani paar karne ka man bana chuke hain. Iske alaava gareeb bujurgon ko kanbal aur mahilaaon ko saadi dene ki yojana par bhi kaam kiya ja raha hai. Kisaanon ko gaaya aur saaikal baantane ka seedha asar Loksabha chunaav mein uttar pradesh ke graameen anchalon se aane vaale chunaavi parinaamon par padega. Mulaayam ne yah siyaasi kaat aise samay nikaali hai, jab kendra sarkaar LPG par subsidy aur anya tarah ki subsidy ki ekamusht rakam seedhe bank account mein traansafar karne ki yojana ko antim roop dene mein juti hai. Kisaanon ko saaikal baantane ke liye filhaal 15 karod ka bajat rakha gaya hai. Is bajat ko badhaane ka masauda banaaya ja raha hai. Kanbal aur saadi ko thok mein khareedne ka jimma kendra ke enateesi, UP haindaloom, yoopika aur Gandhi bhavan ke chuninda stores ko diya gaya hai. Gareeb kisaanon ko gaaya baantane ka prastaav mukhyamantri Akhilesh Yadav ko bheja gaya hai. Ek-ek dudhaaru gaaya 30 se 50 hajaar rupaye mein khareedi jaaegi. Is mad meein sarkaar bahut badi dhanaraashi lagaayegi. Gaayon ki prastaavit khareed yojana ka laabh padosi raajya Haryana aur Punjab ko sabse jyaada milega. Cycle udyog mein Punjab aur Haryana ka bolabaala hai. Kanbal udyog mein bhi ye donon raajya aage hain. UP sarkaar gaayon, saaikal aur kanbal ki khareed Punjab aur Haryana se karegi. Sirf saadi ki khareedaari Gujarat sthit soorat aur Ahmedabad ki kapda milon se ki jaaegi.

Gaaya Ki Poonchh Pakad PM Baneinge Mulaayam https://www.angrejinews.com/pic/8253