Gaanvavaalon Ne Sarkaari School Mein Lagavaaya AC, Bana Jile Ka Pehla AC School

Breaking »

Gaanvavaalon Ne Sarkaari School Mein Lagavaaya AC, Bana Jile Ka Pehla AC School

Muraadanagar Ghaziabad ke basantapur seintali ke logon ne chanda kar gaanv ke praathamik vidyaalaya mein Budhvaar ko AC lagavaaya. Yeh Ghaziabad ka pehla sarkaari school hai jahaan ke bachche ab AC class mein padhaai kareinge. Haalaanki yeh suvidha abhi sirf kaksha chaar ke chhaatron ke liye muhaiya karaai ja rahi hai. Iske liye gaanv ki pradhaan arnima tyaagi ne graameenon se appeal ki thi. Gram pradhaan ne bataaya, 'Mainne socha agar sarkaari school ke klaasaroom mein bhi AC lagaava diya jaae to shaayad chhaatron ki sankhya mein ijaafa ho. Aaj se chhaatr AC room mein padhaai kareinge. July mein anya kakshaaon mein koolar lagavaaya jaaega. Agale satr tak sabhi kakshaaon mein AC laga diya jaaega. ' Vidyaalaya ki principle sanyogita baali ne bataaya ki ek saptaah pehle gram pradhaan school ka nireekshan karne I theen. Unhonne dekha ki pankhe ki hava mein baithe chhaatron ko paseena aa raha hai. Aise mein unhonne class mein AC lagavaane ki baat kahi thi. Is sambandh mein sahaayak besik shiksha adhikaari praveeran Agrawal ne bataaya ki class mein AC lagavaane ke liye shiksha vibhaag se anumati leni hogi. Achha hai ki ab gareeb parivaar ke bachche bhi AC class mein padhaai kareinge. AC par kharch hone waali bijli ke bill ka bhugataan gram panchaayat ko hi karna padega.

Gaanvavaalon Ne Sarkaari School Mein Lagavaaya AC, Bana Jile Ka Pehla AC School https://www.angrejinews.com/pic/274861