Gaanv Vaalon Ke Achha Khaane Se Badhi Mahangaai RBI Governor Subbaaraav

Business »

Gaanv Vaalon Ke Achha Khaane Se Badhi Mahangaai RBI Governor Subbaaraav

Bengaluru. . Reserve bank of India (RBI) ke Governor di. Subbaaraav ke us bayaan par bavaal khada ho gaya hai, jismein unhonne mahangaai badhne ke liye gaanv mein rahane vaale logon ko jimmedaar bataaya hai. Subbaaraav ka maanana hai ki gaanv mein rahane vaale logon ki aamdani badhne se ab ve achha khaana khaane lage hain, jis vajah se desh ko mahangaai ka saamana karna pad raha hai. Shanivaar ko ek iveint mein subbaaraav ne kaha ki desh ke gareeb tabake ki aamdani badh rahi hai, jis vajah se ab vah achha khaana khaane laga hai. Nateeja yah raha ki khaane-peene ki cheejein mahangi ho gain. Shanivaar ko Bengaluru mein ek program mein bolte hue subbaaraav ne kaha, 'Gaanvon mein pichhle paanch saalon mein saal dar saal logon ki aamdani mein badhotri hui hai. Unki aay har saal kareeb 20 parseint ki dar se badhi hai. Isse unke khaane-peene ki aadatein bhi badli hain. Ve ab haai proteen khaana khaane lage hain. Unke khaane mein doodh, ande aur fal ki maatra badhi hai. Nateeja yah raha hai ki baajaar mein doodh, meet, daal, fal aur sabjiyon ki keematon mein bhi ijaafa huaa. ' yah pehla mauka naheen hai, jab desh ke kisi mahatvapoorn pad par baithe shakhs ne is tarah ka bayaan diya ho. Beete saal July mein tatkaaleen hom ministar aur maujooda faainains ministar pi. Chidambaram ne midl class par ungali uthaai thi. Unhonne kaha tha ki sarkaar har cheej ko midl class ke najariye se naheen dekh sakti. Yahi naheen, unhonne kaha tha ki log 1 kilo chaaval par 1 rupaya jyaada kharch naheen kar sakte, lekin ice-cream ke liye 20 rupaye aasaani se kharch kar leinge. Is bayaan par kaafi vivaad huaa tha. Yahi naheen, desh ke yojana aayog ke adhyaksh montek Singh aahaloovaaliya ne yah bayaan diya tha ki shaharon mein rojaana 32 rupaye kharch karne vaala shakhs gareeb naheen hai (padhein: Roj 28.65 rupaye kharch karne vaala gareeb naheen! ). Delhi ki mukhyamantri sheela Dixit ne bhi kaha tha ki ek parivaar ke maheene ke raashan ke liye 600 rupaye kaafi hain (padhein: 600 mein aa jaaega poore parivaar ka raashan: Sheela). RBI Governor subbaaraav ke bayaan par kadi pratikriyaaen aana shuroo ho gayi hain. Congress aur BJP ne is bayaan ko betuka karaar diya hai. BJP neta balaveer punj ne is bayaan ko gareebon ka majaak bataate hue kadi ninda ki hai.

Gaanv Vaalon Ke Achha Khaane Se Badhi Mahangaai RBI Governor Subbaaraav https://www.angrejinews.com/pic/4741