Gaaja Mein Bheeshan Sangharsh, Marne Vaalon Ki Sankhya 572 Hui

Breaking »

Gaaja Mein Bheeshan Sangharsh, Marne Vaalon Ki Sankhya 572 Hui

Chitr saujanya : Raayatar Chitr saujanya : Raayatar Yarooshalam: Israel ne gaaja par bheeshan bamabaari ki aur hamaas dvaara ki ja rahi ghuspaith ki badi koshish ko naakaam kar diya. Israeli sainikon aur hamaas ke beech pichhle 14 dinon se jaari bheeshan sangharsh ne filsteeni paksh ke 572 logon aur Israel ke 27 logon ki jaan li hai. Doosari or sanyukt raashtra aur America ne 'Turant sangharshaviraam' laagoo karne ka aahvaan kiya hai. haal ke varshon mein gaaja par Israel ke sabse bheeshan aur jaanleva hamlon ke ek din baad dakshin Israel mein ghuspaith ka prayaas kar rahe hamaas ke 10 aatankvaadiyon ko maar giraaya gaya. Haal ke Israeli hamle mein kareeb 150 log maare gaye the. sena ne kaha ki hamaas ke do samoohon ne uttari gaaja se surangon ke jariye hamla karne ka prayaas kiya, lekin Israel raksha balon ne iski pehchaan kar li aur unhein rokane ke liye vimaan bheja gaya. Sena ne kaha ki pehle samooh par havaai hamla kiya gaya aur ismein das sadasya maare gaye. doosare samooh ne gaaja ke uttarapoorvi kshetr niraam kibuj mein jaane ka prayaas kiya jahaan unki sainikon ke saath bheeshan muthabhed hui, jismein unhonne tank rodhi hathiyaaron ka bhi prayog kiya. Sena ne jyaada jaankaari diye bagair sirf itna kaha ki kai sainik ghaayal hue hain. filsteeni chikitsa adhikaariyon ne bataaya ki taaja ghatna mein gaaja ke ek makaan par hue Israeli hamle mein chaar bachchon sahit aath log maare gaye hain. madhya gaaja ke der al-bala sthit ek aspataal par tank se golaabaari mein paanch logon ke maare jaane ke baad yeh hamla hua hai. ek svaasthya adhikaari ne kaha ki Khan Younis shahar ke paas Israeli havaai hamle ke baad malabe mein se kam se kam 20 shavon aur do jinda logon ko nikaala gaya. Unhonne kaha ki 3,100 se jyaada filsteeni ab tak jakhmi hue hain. 'Operation protektiv ej' ke 8 July ko shuroo hone ke baad se ab tak 25 israailiyon sainikon sahit 27 israailiyon ki maut ho chuki hai . is beech sanyukt raashtra suraksha parishad ne der raat mrutakon ki badhti sankhya par ''Gambhir chinta'' jataate hue gaaja patti par turant yuddh viraam karne ka aahvaan kiya. hajaaron logon ko beghar karne vaale is sangharsh ko khatm karne ke liye sanyukt raashtra pramukh baan ki moon ne filsteen ke raashtrapati Mehmood Abbas se Qatar mein mulaakaat ki. Israel ke pradhaanamantri beinjaamin netanyaahoo ne apne 18 sainikon sahit 20 logon ki maut ke baavajood hamaas shaasit gaaja patti par hamle jaari rakhane ka sankalp liya hai. gaaja mein pichhle do saal se darji ka kaam kar rahe chaar bhaarateeyon ko pashchim tat ke raamalla sthit Bhaarat ke pratinidhi kaaryaalaya ki sahaayata se surakshit bacha liya gaya.

Gaaja Mein Bheeshan Sangharsh, Marne Vaalon Ki Sankhya 572 Hui https://www.angrejinews.com/pic/57929