GDP Aankadon Par Arvind Subramanyan Ke Daave Par Kendra Ne Jaari Kiya Spashteekaran

Breaking »

GDP Aankadon Par Arvind Subramanyan Ke Daave Par Kendra Ne Jaari Kiya Spashteekaran

Nai Delhi Modi sarkaar ke poorv mukhya aarthik salaahakaar (seeie) Arvind subramanyan ke vitt varsh 2011-12 se 2016-17 ke beech Bhaarat ke GDP growth rate ko badha-chadhaakar pesh karne ke daave par keindreeya saankhyiki evam kaaryakram kriyaanvayan mantraalaya ne spashteekaran jaari kiya hai. Mantraalaya ne spasht kiya hai ki jo bhi aankade jaari kiye gaye hain, ve antararaashtreeya maanakon ko dhyaan mein rakhakar jaari kiye gaye hain aur GDP ke ye aankade moolat: Bijli ki khapat, dopahiya vaahanon ki bikri, vaanijyik vaahanon ki bikri jaise soochakon ke vishleshan par aadhaarit hain. Yeh vishleshan karne ke liye ikanaumetrik model evam isse judi dhaaranaaon ka istemaal kar kiya gaya hai. Padhein : Vitt varsh 2011-12 se 2016-17 ke beech badha-chadhaakar diya gaya tha GDP growth ka aankada: Arvind subramanyan Mantraalaya ne kaha, 'GDP ke aankadon ke aakalan mein shaamil jatiltaaon ka vivran samay-samay par jaari kiya hai. Kisi bhi arthavyavastha mein GDP ka aakalan ek behad jatil prakriya hai, jismein arthavyavastha ke pradarshan ko behtar tareeke se maapane ke liye vibhinn upaayon aur meetriks ko aajamaaya jaata hai. Vaishvik maanakeekaran aur tulaneeyata ke uddeshyon ko dhyaan mein rakhate hue desh system of naishanal akaaunts ka paalan karta hai, jise vistrut paraamarsh ke baad sanyukt raashtra mein viksit kiya gaya hai. ' Ullekhaneeya hai ki Arvind subramanyan ne apne taaja research pepar mein daava kiya hai ki vitt varsh 2011-12 se 2016-17 ke beech Bhaarat ka GDP growth rate shaayad 2.5 pratishat tak badhaakar bataaya gaya tha. Unhonne kaha ki vitt varsh 2011 aur 2016 ke dauraan GDP mein 6.9 pratishat ki vruddhi ka daava kiya gaya tha, lekin poori sambhaavana hai ki us dauraan growth rate 3.5 se 5.5 pratishat raha ho.

GDP Aankadon Par Arvind Subramanyan Ke Daave Par Kendra Ne Jaari Kiya Spashteekaran https://www.angrejinews.com/pic/280629