Freseniys Kaabi Ki Deelisting Par SEBI Ka Sakht Rukh
Business » Thursday, April 25, 2013
reena jakaariya raajesh maiskerenahaas Mumbai kaipitl market reguletar SEBI minimm pablik holding ko 25 feesadi tak laane ke niyamon ka makhaul bana rahi emaenasi ke khilaaf sakht kadam utha raha hai. SEBI ne malteeneshanal dava company freseniys kaabi ke banker bank of America-meril linch se poochha hai ki jab company ne saat maheene pehle oefaes ke jariye pablik ko share becha, to ab kya jaroorat aa padi ki usane deelist hone ka plaan banaaya hai. Yah baat maamale ki seedhi jaankaari rakhane vaale sootr ne bataai hai. Sootr ne bataaya, 'SEBI ne marcheint banker se is baat ka javaab maanga hai ki vo deelisting niyamon ka paalan kis tarah kar raha hai. Agar company deelist hona chaahati hai to vah yah kaam kabhi bhi kar sakti hai. Lekin SEBI yah jaanana chaahata hai ki kaheen staiteji mein badlaav niyam ke maksad ko dabaane ke liye to naheen hai. Agar vo SEBI ke niyamon ke maksad ko dabaane ki koshish kareinge to unako aisa karne naheen diya jaaega. Aapko niyam har tarah se maanana hoga. ' SEBI kuchh companiyon ke promoteron se yah kah sakta hai ki agar vo agar naun promoter bante hain to unako apne kuchh adhikaar chhodne padeinge. SEBI ne haal hi mein jilet aur gokaladaas eksaports ke prastaavon ko khaarij kar diya tha. Donon companiyon ne pablik holding ke niyamon par khara utarane ke liye apne kuchh promoteron ko naun promoter kaitagari mein daalne ka prastaav diya tha. Freseniys kaabi ne pichhle hafte kaha tha ki vah apni Indian sabsidiyri freseniys kaabi onkolauji ko deelist karaana chaahati hai. Company ke is elaan par inavestars ki bhaunhe chadh gain kyonki company ka oefaes aae jyaada din bhi naheen hue hain aur vah deelist hone ke baare mein soch rahi hai. Is par securities lauyars ka kehna hai ki emaenasi ke ye kadam galat misaal pesh kar sakte hain. Ek senior lauyar ne kaha, 'Kuchh promoter baad mein apne share deelist karaane ke liye aisi straiteji apna sakte hain kyonki oefaes mein share paane vaale nae inavestars par ab unka jyaada control ho gaya hai. ' bank of America meril linch ke spoksaparsan ne maamale mein SEBI ke savaalon par kameint karne se inkaar kiya hai. October 2012 mein freseniys ne apni hissedaari 90 se ghataakar 81 feesadi par laane ke liye oefaes ke jariye 80 rupae ke flor price par 1.42 karod share beche the. India mein companiyaan tabhi deelist ho sakti hain jab unamein promoteron apna share 90 feesadi se jyaada kar le pablik holding ka kam se kam aadha hissa (jo bhi jyaada ho) khareed le.