France Ki Jail Mein Ek Kaidi Ne 2 Guard Ko Bandhak Banaaya

World »

France Ki Jail Mein Ek Kaidi Ne 2 Guard Ko Bandhak Banaaya

Pairis Uttar pashchim France mein ek uchch suraksha waali jail mein desi hathiyaar se lais ek kaidi ne 2 guard ko bandhak bana liya. Ghatna se jude ek sootr ne bataaya ki ek bandhak ko mukt kara liya gaya hai. Kaidi ne ab bhi doosari bandhak ek mahila prashikshu ko pakad rakha hai. Is jail mein khatarnaak aur kukhyaat kaidi rahate hain. Police ke vishesh bal mangalvaar ko helikauptar se konde-sur-saarthe peneeteinnityari kendra pahunche. Adhikaariyon ne bataaya ki hathiyaar se lais kaidi ne bhojan parosane ke dauraan guard aur mahila prashikshu ko bandhak bana liya. Nyaaya mantraalaya ke sootr ne bataaya ki kaidi ka maanasik rogon aur bandhak banaane ka itihaas raha hai. Use loot, balaatkaar aur ek saathi kaidi ki hatya ka doshi thaharaaya ja chuka hai. Ghatna ke baad se jail ko poori tarah se khaali kara liya gaya hai. Jail usi ilaake mein sthit hai jahaan kuchh din pehle aatanki vaaradaat hui thi. Jail adhikaari Michael shiolo ki goli maarkar 2 logon ne hatya kar di thi. France sarkaar ne ise aatanki ghatna karaar diya hai.

France Ki Jail Mein Ek Kaidi Ne 2 Guard Ko Bandhak Banaaya https://www.angrejinews.com/pic/280724