Football World Cup Aagaaj Se Pehle Brazil Mein Baarish Aur Ummeedon Ki Dhoop Ke Rang

Business »

Football World Cup Aagaaj Se Pehle Brazil Mein Baarish Aur Ummeedon Ki Dhoop Ke Rang

[ viraaj Nair | Rio di jeneriyo ] football world cup shuroo hone se ek din pehle shaam ko Rio di jeneriyo mein baarish hui. Is shahar mein rahane vaalon ko kairiyokaas kaha jaata hai. Ve ummeed kar rahe hain ki world cup ki shuruaat ke vakt baarish naheen hogi. Rio mein jab bhi baarish hoti hai to yahaan ki sadkon par sannaata pasar jaata hai. Shahar mein rahane vaalon ko dhoop pasand hai. Baarish unhein soot naheen karti. Rio mein maarakaana stadium rivr besin (nadi kinaare) ke paas bana hai. Is stadium ka naam nadi ke naam par rakha gaya hai aur baarish ke dinon mein yahaan aksar baadh aa jaati hai. Shahar ki Federal university ke professor amit bhaaya ne bataaya, 'Sarkaar world cup ke dauraan dhoop khilne ki ummeed kar rahi hai. Vah is area ke liya aadhunik drenej system bana rahi hai, lekin yeh project ab tak poora naheen hua hai. ' bhaaya ne yeh baat tab kahi, jab vah us raaste se car se gujar rahe the, jo daaunataaun Rio ko kopaakabaana se jodta hai. Bhaarat ke rahane vaale bhaaya Rio mein 25 saal se rah rahe hain. Unhonne bataaya, 'Sarkaar puraani milon aur faiktriyon ko hataane ka iraada rakhati hai. Vah inki jagah nai office bildings aur kaumpleks banaana chaahati hai. ' pichhle kuchh saalon mein daaunataaun Rio mein kai nai imaaratein ban gayi hain. Upanagareeya Rio se kopaakabaana ka raasta poori tarah badal gaya hai. Bhaaya ne bataaya ki sarkaar ne upanagar se kopaakabaana ko jodne vaale ek raaste ko barbaad kar diya kyonki vah ise badasoorat maanati thi. Shahar mein baarish ho rahi thi aur car ke andar se rah-rahakar peele aur hare rang vaale Brazil ke jhande ke rang mein imaaratein rangi hui najar aa rahi theen. World cup ka bukhaar chadhta ja raha hai. Kopaakabaana mein kroeshiya se aae fains ka ek group dikha, jo beer peene ke saath gaane ga raha tha. Kroeshiya se aae kai fains mashahoor kopaakabaana beech ke paas bane hotelon mein thahare hain. Yahaan duniya ke kone-kone se log football world cup dekhne aae hain. Kaail aur jaired kveensalaind, Australia se yahaan apni team ka hausala badhaae aae hain. Kaail ne kaha, 'Football fains ko aap kam karke mat aankiye. ' unke kandhe par Australiaee jhande mein lipta ek khilauna kangaaroo rahata hai. Jaired ne kaha ki Australiaee team ke captain maail jedinaik achhe form mein hain. Vah english Premier league mein kristal pailes club ke liye khelte hain. Jaired ne kaha ki vah Australiaee fains ke fevaret hain. Vaheen, kaail ne kaha ki agar hamaari team yahaan achha parafaurm naheen karti hai to agali baar hamaari cricket team Bhaarat ko jaroor haraaegi. Argentina se aae frainko kopola ne kaha ki world cup unki team jeetegi. Vah diyego mairaadona ke fan hain. Unhonne kaha ki mere liye mairaadona Bhagwan hain. Haalaanki agar liyonel mesi world cup jeetate hain to main unhein mairaadona waali league mein jaroor rakhoonga.

Football World Cup Aagaaj Se Pehle Brazil Mein Baarish Aur Ummeedon Ki Dhoop Ke Rang https://www.angrejinews.com/pic/53628