Food Security Par Sarvadaleeya Baithak Jald

India »

Food Security Par Sarvadaleeya Baithak Jald

vishesh samvaadadaata. Nai Delhi : UPA sarkaar apne mahatvaakaankshi food security bill ko lekar agale ek-do dinon mein sarvadaleeya baithak bula sakti hai. Sarkaar sansad ke bajat satr ke pehle charan mein hi bill ko laane ki koshish kar rahi thi, lekin matabhedon ke kaaran aisa naheen kar saki. Ab sarkaar ka lakshya is bill ko bajat satr ke doosare charan mein sansad mein laane ka hai. Isi vajah se yah sarvadaleeya baithak bulaai ja rahi hai. Daraasal, is bill ko lekar na sirf doosare dalon mein balki sarkaar ke bheetar bhi kuchh matabhed hain. Left party sahit vipakshi dal is bill ko sansad ko stainding committee ya silekt committee mein bhejane ki maang kar rahe hain. Doosari or, sarkaar iske bajaay sarvadaleeya baithak mein sarvasahamati banaane ki koshish mein hai. Aagaami chunaav ko dekhte hue UPA sarkaar kisi bhi haal mein is bill ko jaldi se jaldi sansad mein laana chaahati hai. Use lagta hai ki aagaami chunaavon mein yah bill sarkaar ke liye game chanejar saabit ho sakta hai. Ullekhaneeya hai ki food security bill 1.2 arab ki aabaadi ke lagbhag 67 feesadi hisse ko khaadya suraksha ka adhikaar dega.

Food Security Par Sarvadaleeya Baithak Jald https://www.angrejinews.com/pic/6479