Fixing Ke Fande Mein Kai Aur Khilaadi Faseinge

Breaking »

Fixing Ke Fande Mein Kai Aur Khilaadi Faseinge

Nai Delhi. . IPL mein spot fixing case ka daayara lagaataar badh raha hai. Ab pata chala hai ki pichhle saal hue IPL ke kuchh maichon mein bhi spot fixing ki gayi thi. Shreeshaant, ajeet chandeela aur ankit chavhaan ke alaava anya kuchh khilaadi shak ke ghere mein aae hain. Delhi police ke commissioner neeraj Kumar ne kaha ki yah to shuruaat hai, abhi kuchh aur khilaadiyon ke naam saamane aa sakte hain. Police yah bhi tahakeekaat kar rahi hai ki kya spot fixing se aage badhkar kuchh IPL maichon ke nateeje bhi fix kiye gaye the? Rajasthan Royals ke giraftaar khilaadi ajeet chandeela aur satoriyon ke beech hui baatcheet se khulaasa huaa hai ki pichhle saal hue IPL-5 mein bhi fixing hui thi. Police ne tape ki gayi baatcheet mein chandeela ko Ahmedabad ke buki manan se kathit roop se kehte suna ki 'Naya thode hi hai. Pichhle saal bhi to kiya tha. ' is saal 5 May, 9 aur 15 May ko khele gaye maichon mein spot fixing ke paryaapt saboot police ke paas hain. Iske alaava April mein khele gaye 9 anya match bhi police ki jaanch ke daayare mein hain. Pichhle saal ek match fix huaa tha? Delhi police yah bhi jaanch kar rahi hai ki kya Ferozshah Kotla maidaan mein 29 April 2012 ko Delhi Daredevils se Rajasthan Royals ki ek run se hui haar fiksd thi? Spot fixing ki jaanch se jude sootron ne bataaya ki pichhle saal khele gaye match mein Delhi ki team ne 152 run banaae the. Jeet ke liye Rajasthan Royals ko 153 run banaane the. Teen wicket khokar Rajasthan Royals ki team 139 run bana chuki thi. Do over shesh the aur 8 wicket baaki the. Jeet ke liye do over mein 14 run banaane the, lekin Rajasthan ki team 151 run hi bana paai. Giraftaar aaropiyon ne apne bayaan mein is match ke andar bhi fixing ki baat sveekaari hai. Haug, koopar, trivedi ne thukaraaya ofar police ko bukeej aur khilaadiyo se poochhataachh se jaankaari mili hai ki Rajasthan Royals ke alaava anya teemon ke kai khilaadiyon ne bhi spot fixing ki thi. Inke alaava bukeej ne chandeela ki madad se Rajasthan Royals ke teen anya khilaadi- braid haug, kevin koopar aur siddhaarth trivedi ko fansaane ki koshish ki thi. Bukeej ne inhein Jaipur mein hui party mein inavaait kiya, lekin teenon ne ofar thukara diya tha. Yah bhi pata chala hai ki Rajasthan Royals aur Kolkata night Riders ke beech ek aur match mein spot fixing honi thi. Shreeshaant aur chandeela ko lagaataar overon mein 28 run dene the, lekin donon ke pleing-11 mein na aane se plaan kaamayaab naheen ho saka. Police sootron ke mutaabik, teen bukeej- chandresh Patel, amit Singh aur ek anya 6 April ko Gurgaon mein chandeela se mile the. Chandeela ko ek over ke liye 20 lakh se jyaada diye jaane par baat hui thi. Police ki abhi tak ki jaanch se teenon cricketeron mein ajeet chandeela ko mukhya aaropi maana ja raha hai. Mangetar ko lekar ankit pareshaan satoriyon aur chandeela ki kathit baatcheet mein sex workers bhejane ki baat kai baar record hui hai. Poochhataachh mein bukeej ne police ko bataaya ki chandeela ki or se hamesha ladkiyon ki demand ki jaati thi. Bukeej ne unhein darjanon baar sex workers bhejeen. Bukeej ka bayaan hai ki shreeshaant ko bhi teen baar ladkiyaan bheji gayi theen. Ankit chavhaan ne fixing mein shaamil hone ki baat maan li hai. Unhonne police ko bataaya ki chandeela ne ofar diya to main hichkicha raha tha, par 60 lakh ki moti rakam ka laalach dekar chandeela ne raaji kar liya tha. Police hiraasat mein ankit ke aansoo guruvaar raat se hi tham naheen rahe. Unki shaadi 2 June ko tay hai aur vah apni mangetar ko lekar pareshaan hain. Haalaanki, ankit is baat se raahat mahasoos kar rahe hain ki unhonne kabhi bhi kaulagarls ki demand naheen ki thi. Vakeelon ka daava, naheen kaboole gunaah shreeshaant, chandeela aur chavhaan ke vakeelon ne Delhi police par teenon khilaadiyon ko fansaane ka aarop lagaaya hai. Shreeshaant se mulaakaat ke baad unke vakeel deepak prakaash ne daava kiya ki shreeshaant ne gunaah kabool naheen kiya hai. Shreeshaant ne mujhe bataaya hai ki unhonne kabhi kisi buki se baat naheen ki aur na hi paisa riseev kiya. Unka is case mein shaamil logon se koi lenaadena naheen hai. Chandeela aur chavhaan ke vakeel Rajiv shankar Dwivedi ne bhi yahi baat kehte hue donon ko nirdosh bataaya. Unka kehna tha ki police ne gairkaanooni tareeke se kaarravaai karke unhein jaal mein fansaaya hai. Unke khilaaf koi saboot naheen hain.

Fixing Ke Fande Mein Kai Aur Khilaadi Faseinge https://www.angrejinews.com/pic/8925