Fixing Ka Kingapin Nikla Chandeela

India »

Fixing Ka Kingapin Nikla Chandeela

Maneesh Agrawal. . Nai Delhi. . IPL-6 spot fixing maamale mein special sel ki jaanch jaise-jaise aage badh rahi hai, vaise-vaise Rajasthan Royals ke giraftaar teenon khilaadiyon mein se ajeet chandeela ka naam kingapin ke roop mein saamane aa raha hai. Abhi tak ki jaanch mein pata laga hai ki bukeej se kaheen adhik spot fixing mein ajeet chandeela ne dilchaspi dikhaai thi. Usane hi bukeej ka aage ka kaam aasaan karte hue amit chavhaan ki meeting bukeej se karaai thi aur shreeshaant ko unke dost jeejoo janaardan ke maadhyam se set karaaya tha. Sootron ka kehna hai ki jald hi kuchh aur girftaariyaan ho sakti hain. Special sel ke sootron ke mutaabik, 'Spot fixing karne ki planning ko final roop dene ke liye 6 April ko Gurgaon ke ek club mein cricketer aur bukeej ke beech pehli meeting hui thi. Isse pehle mukhya bukeej mein se ek chandesh Patel cricketer chandeela se contact kar chuka tha. Magar usamein spot fixing waali koi baat naheen hui thi. ' chandeela bukeej chandesh ke contact karne vaale ishaare ko samajh gaya. Fir chandeela ne khud do baar phone kar chandesh aadi se spot fixing ke baare mein intarest jataaya. Police is baare mein yah bhi pata laga rahi hai ki spot fixing ke is game ke peechhe andaravarld mein kiska haath raha. Police commissioner neeraj Kumar ne is maamale mein pehle hi kaha tha ki iska asli maastaramaaind videsh mein hai. Sootron ne bataaya ki doosari or, bukeej jeejoo janaardan ke jariye cricketer shreeshaant aur ankit chavhaan ko set karne ki koshish mein lage hue the. Is baare mein jab chandesh ne chandeela se baat ki to usane 6 April ko bukeej chandesh Patel, manan aur amit Singh ke saath Gurgaon mein meeting ki. Vahaan chandeela ne bukeej ko bharosa dilaaya ki vah shreeshaant aur ankit chavhaan ko bhi spot fixing ke liye taiyaar kar lega. Chandeela ne hi fir ankit chavhaan aur jeejoo janaardan se baat ki. Bukeej ki aur shreeshaant ki kabhi bhi seedhe mobile phone par spot fixing ko lekar baatcheet naheen hui. Sootron ka kehna hai ki bukeej aur ajeet chandeela ki baatcheet sunane se yah lag raha hai ki vah pichhle saal bhi IPL-5 ke kuchh maichon mein spot fixing mein shaamil raha tha. Aise mein chandeela ko spot fixing waali line ke baare mein poora pata tha. Use fiksar aur bukeej ke poore network ke baare mein jaankaari thi. Isi vajah se usane kuchh minute mein hi laakhon rupae kamaane ke is 'Game' ko khela. Is maamale mein abhi tak cricketer shreeshaant, ajeet chandeela aur ankit chavhaan ke alaava 14 bukeej aur fiksar bhi pakade ja chuke hain. Jaanch mein pata laga hai ki is dhandhe mein bukeej aur fiksaron ke chaar group the. In sabhi groupon ke sampark mein kisi-na- kisi tarah se teenon khilaadi rahe. Magar sabse ektiv rol chandeela ka raha. Sel ne daava kiya hai ki usane palaval sthit chandeela ki buaa ke ghar se spot fixing ke liye diye gaye 20 lakh rupae baraamad kiye hain. Is baraamadagi ke liye sel ke adhikaari chandeela ko bhi saath lekar gaye the. Ye rupaye cricket ki ek kit se mile. Sootron ka kehna hai ki chandeela ke paas se abhi aur bhi rupaye milne ka anumaan hai.

Fixing Ka Kingapin Nikla Chandeela https://www.angrejinews.com/pic/9175