Fir Vivaad Mohan Baagaan Samarthakon Par Naslavaadi Tippani Ka Aarop

Sports »

Fir Vivaad Mohan Baagaan Samarthakon Par Naslavaadi Tippani Ka Aarop

Kolkata. . I league ka ek aur match yahaan vivaadon se ghir gaya jab Mumbai efasi ke forward yusoof yaakooboo ne mohan baagaan ke samarthakon par naslavaadi tippaniyaan karne aur 'Bandar' kehne ka aarop lagaaya. Yah ghatna us samay ki hai jab mohan baagaan ne match mein 2-2 se baraabari kar li thi. Baagaan ne yah match 3-2 se jeeta. Uske baad prashansakon ne kathit taur par Ghana ke khilaadi par naslavaadi tippaniyaan ki. Yaakooboo ne kaha, 'Mujhe samajh mein naheen aa raha ki baagaan samarthakon ne mujhe apashabd kyon kahe. . . Itni buri bhaasha thi ki main usaka jikr bhi naheen kar sakta. Yah naslavaad hai. ' yah poochhane par ki vah aadhikaarik shikaayat kyon naheen karte, unhonne kaha, 'Main kyon karoon? Isse kya faayda hoga? Mohan baagaan par dand bhi lagaaya gaya to ve isse bach nikleinge. ' I league ke CEO sunando dhar ne is par hairaani jataate hue kaha ki unhein aadhikaarik shikaayat milne ka intajaar karna hoga. Unhonne kaha, 'Mohan baagaan ke kaptaan odaafa okoli bhi Africa ke hain lihaaja yah badi hairaani ki baat hai. Hamein pehle match commissioner se baat karni hogi. Uske baad Mumbai efasi se aadhikaarik taur par shikaayat milne ka intajaar kareinge. ' mohan baagaan ke vitt sachiv debaasheesh datta ne kaha, 'Kya aapne kisi ko yaakooboo ko apashabd kehte suna? Main akhbaar ki report ko naheen maanata. Yadi koi aadhikaarik shikaayat hogi to hi pratikriya doonga. 'Isse pehle 24 March ko pelaan eroj ke khilaaf mohan baagaan ke match ke dauraan aadha darjan saanp maidaan par paae gaye the.

Fir Vivaad Mohan Baagaan Samarthakon Par Naslavaadi Tippani Ka Aarop https://www.angrejinews.com/pic/5238