Fir Vajood Mein Aa Sakta Hai Vinivesh Mantraalaya

Business »

Fir Vajood Mein Aa Sakta Hai Vinivesh Mantraalaya

Joseph barnaad, nai Delhi kendra mein Narendra Modi ki aguaai mein NDA ki sarkaar bani to is baar vinivesh mantraalaya ki sthaapana ko fir se tarajeeh di ja sakti hai. Vajpayee sarkaar ki tarah alag se vinivesh mantraalaya banaaya ja sakta hai aur vinivesh mantri ki niyukti bhi ki ja sakti hai. Khaas baat yeh hai ki sarkaari companiyon ke vinivesh mein open ofar ke saath private companiyon ko ikviti yaani hissedaari bechne ki prakriya apnaai jaaegi. Kaurporet diggajon ka tha sujhaav sootron ke mutaabik, kaurporet ke diggajon ne Modi ke saath hui kai baithakon mein kendra mein Gujarat vikaas model ko apnaane ka sujhaav diya hai. Ismein kaha gaya hai ki har sector mein videshi nivesh ke saath niji nivesh ko bhi badhaaya jaae. Bhaarateeya companiyaan, badi videshi companiyon ki hissedaari khareedati hain. Behtar ho ki desh ki badi sarkaari companiyon mein niji sector ko nivesh ke liye protsaahit kiya jaae. Iske liye alag se neetiyaan banaane ki jaroorat hai, aise mein pehle ki NDA sarkaar ki tarah vinivesh mantraalaya ki sthaapana karna behtar hoga. Sootron ke mutaabik, Modi ne kaurporet ke diggajon ko vaada kiya hai ki agar NDA ki sarkaar bani to sahayogi dalon se baat karke ve vinivesh mantraalaya ki sthaapana ko praathamikta deinge. Gaurtalab hai ki UPA ne 2004 mein kendra mein aane ke baad vinivesh mantraalaya ko khatm kar use vitt mantraalaya ke adheen kar diya. Kya hoga asar Vajpayee ki aguaai waali NDA sarkaar ne vinivesh mantraalaya ki sthaapana ki thi. Tab arun shauri vinivesh mantri banaae gaye the. NDA sarkaar yeh neeti banaai thi ki sarkaari companiyon ki pehle 26 feesadi hissedaari niji companiyon ko bechi jaae. Agar niji companiyon ka management theek rahata hai to is hissedaari ko badhaakar 51 feesadi kar di jaae, taaki management private companiyon haathon chala jaae. Baalko aur Hindustan leevar ke sandarbh mein aisa hi kiya gaya. Magar iska jordaar virodh hua to NDA sarkaar ne sarkaari companiyon ki 49 feesadi hissedaari hi bechne ko hari jhandi di aur management sarkaar ke paas hi rakha. Sootron ke mutaabik, Modi agar PM banein to vinivesh ke isi faurmyule ko apnaaya ja sakta hai. Modi ne kaurporet diggajon se yeh bhi kaha hai ki vah chaahate hai ki jo sarkaari companiyaan ghaate mein chal rahi hain, uske baare mein bhi private sector sujhaav dein. Modi chaahate hain ki private companiyaan beemaar sarkaari companiyon mein bhi hissedaari khareede aur iske management ko sudhaarane ki koshish karein taaki beemaar sarkaari companiyon ki vitteeya sehat ko fir se sudhaara ja sake.

Fir Vajood Mein Aa Sakta Hai Vinivesh Mantraalaya https://www.angrejinews.com/pic/50675