Fir Se Duniya Ke Number Ek Golfer Bane Woods

Sports » Tuesday, March 26, 2013

Florida. . Mashahoor golfer tiger Woods ne saiks skaindal mein fansane aur choton ke kaaran form gadbadaane ke baad ab fir se duniya mein number ek ranking haasil kar li hai. Woods ne arnold paamar aamantran tournament mein jeet darj karke rori maikalaaraaya ko taaja vishv ranking mein sheersh se hata diya hai. Yah niji aur peshevar star par giraavat ke baad unki shaanadaar vaapasi hai. Bail hil par chhathi jeet darj karne vaale Woods ne kaha, 'Main yahaan achha khela. Yah meri kadi mehnat aur dhairya ka nateeja hai. ' Woods ko is jeet se das lakh aath hajaar dollar ki puraskaar raashi mili. Vah pichhle lagbhag teen saal se ranking mein sheersh se baahar the. Vah vivaadon mein fanse aur is beech choton se bhi pareshaan rahe. Woods is beech 11 November 2011 ko apni sabse kam ranking 58 par bhi khisak gaye the