Fir Kahar Na Barapa Day Kuttoo Ka Aata

India »

Fir Kahar Na Barapa Day Kuttoo Ka Aata

amit Agrawal . Haapud navaraatri ke vrat aate hi beete dinon kuttoo ke aate dvaara barapaae gaye kahar ki yaad tarotaaja ho jaati hai. Pichhle saal vrat ke dauraan is aate ka sevan karne ke baad aadha darjan logon ko aspataal jaana pada tha. Maamale ke tul pakadne ke baad free ganj rod sthit ek godaam par chhaapaamaar kaarravaai ke dauraan bhaari maatra mein kuttoo ka aata baraamad kiya gaya tha. Jaankaaron ka kehna hai ki kuttoo aur singhaade ka aata jaanch parakhakar hi khareedein. Navaraatri aur anya vraton mein kuttoo ke aate ko adhik mahatva diya jaata hai. Vrat rakhane vaalon ki majaboori ko bhunaane ke liye svaarthi tatv is aate mein bhi milaavat karne se baaj naheen aate hain. Jiske parinaamasvaroop vrat mein dil ko shaanti pahunchaane vaala yah aata jahareela bana diya gaya hai. Jismein ek kharapatavaar ki beej (kunjoo) aur baajara milaakar pees diya jaata hai. Kunjoo ke beej na sirf svaasthya ke liye haanikaarak hote hain, balki jyaada maatra mein iska prayog kiye jaane se vyakti ki jaan bhi ja sakti hai. Aisi sthiti mein graahak sahi jaanch-parakh aate ki naheen kar paata, kyonki kunjoo va kuttoo ke beej lagbhag ek samaan hote hain. Pichhle saal milaavati kuttoo ke aate ka prayog karne se darjanon shraddhaalu beemaar pad gaye the. Yadi unhein tatkaal aspataal mein bharti naheen karaaya jaata to bada haadasa ho sakta tha. Kareeb teen saadhe teen saal pehle jab kuttoo ke aate ne kahar barapaaya tha tab police ne free ganj rod sthit ek vyaapaari ke godaam par chhaapaamaar kaarravaai karte hue bhaari sankhya mein milaavati kuttoo baraamad kiya tha. Jaankaaron ka kehna hai ki jo log vraton mein kuttoo se parahej karte hain unke dvaara singhaade ka aata adhik pasand kiya jaata hai. Lekin ise bhi jaanch parakhakar lena chaahiye. Svaarthi tatvon ne iske aate ko bhi milaavat se door naheen rakha hai. Adhik munaafa kamaane ki laalasa mein ve ismein khadiya (ek prakaar ki mitti) mila dete hain. Jo sevan karne ke baad vyakti ki aanton par jam jaati hai aur pet mein dheema dheema dard shuroo ho jaata hai. Iske adhik sevan se vyakti ko aspataal ki sharan leni pad sakti hai. Saavadhaani baratein : Kuttoo ka aata chamakadaar hota hai. Yadi koi dukaanadaar milaavati ya puraana aata graahak ko deta hai to usaka rang matamaila hota hai. Saavadhaani hi iska sabse bada bachaav hai. Khaadya inspector Krishna gopaal Yadav ne bataaya ki shahar va dehaat kshetr mein dukaanadaaron ko nirdeshit kiya gaya hai ki vah kuttoo ka rakha huaa aata va khula aate ki bikri na karein. Keval paiking kar kuttoo ka aate ko bechein. Nirdesh ka paalan naheen karne vaale dukaanadaaron ke khilaaf kaarravaai ki jaaegi. Esadeeem kebi Singh ka kehna hai milaavati aata bechana dhaarmik aastha ke saath khilvaad hai. Maamala saamane aane par aaropi ke khilaaf sakht kaarravaai ki jaaegi.

Fir Kahar Na Barapa Day Kuttoo Ka Aata https://www.angrejinews.com/pic/5045