Fir Hit Hue Saaheb-beevi-gangster

Movies » Tuesday, March 26, 2013

Tigmaanshu Dhulia ki film 'Saaheb, beevi aur gangster returns' apne orijnal sequel ke mukaabale box office par kaheen jyaada achha rispauns haasil kar paai hai. Film mein raajaneeti aur paise ke khel ko jis tarah se tigmaanshu ne filmaaya hai, vah vaakai kaabile-taareef hai. Odiyans ne na keval is film ke kaunsept ko saraaha hai, balki iske kalaakaaron ki bhi khoob taareef ki hai. Jahaan lambe arase baad jimmi sheragil ko unki aikting ke liye itni taareekh mili, vaheen soha Ali Khan ko bhi is film mein achha rol mila jise unhonne bakhoobi nibhaaya bhi. Vikipeediya ke mutaabik, 7 karod ke bajat par taiyaar hui yah film apne opening veekeind mein hi munaafa kama gayi. Opening veekeind mein is film ne 12.76 karod ka kalekshan kiya, jisse yah film tigmaanshu Dhulia ki ab tak ki sabse sakseful film saabit hui. Haalaanki shukravaar ko, release ke din ke first half tak film kuchh khaas rispauns naheen haasil kar paai thi, lekin second half se hi film ne kamaan sanbhaal li thi aur pehle hi din yah film 3.51 karod rupae kama gayi thi