Film Banaana Chaahata Hoon Yuvraj

Movies »

Film Banaana Chaahata Hoon Yuvraj

Yuvraj Singh Cancer ko haraakar vaapas cricket ke maidaan mein hain. Apne safar ki kahaani par vah ek book la chuke hain aur ab us par ek film banaane ki taiyaari mein hain. Cancer se ladkar is saal Yuvraj Singh vaapas field mein pahunch chuke hain aur IPL mein Pune Warriors ki or se jamkar cricket khelne ke mood mein hain. Vah pehle se jyaada fit, leen aur enarji se bharpoor najar aa rahe hain. Haalaanki ab unako apni puraani team Punjab eleven ke khilaaf bhi khelna hoga aur ek match to vah khel bhi chuke hain. Kya is baat se vah kanfartebal hain? Yuvi kehte hain, 'Punjab mera ghar hai, jahaan main raha aur bada huaa hoon. Us team ke saath judna jindagi ke behatareen palon mein se tha. Lekin ab main is team ka hissa hoon, to ise apna sau parseint doonga. ' jahaan tak preeti jinta ki baat hai, to Yuvraj ka kehna hai ki unase unki dosti jindagi bhar rahegi. Yuvi ne pichhle dinon ek book bhi release ki hai. Iska title hai, 'The test of maaya life' aur vah is par besd ek film banaane ke mood mein bhi hain. Yuvi ne bataaya, 'Mere man ke kisi kone mein yah khvaahish hai ki main is book par besd ek film banaaoon. Haalaanki abhi tak kuchh bhi final naheen huaa hai. Ismein meri cricket jarni aur Cancer se meri ladaai ke baare mein dikhaaya jaaega. Vaise, mainne abhi tak yah bhi naheen soch hai ki mera rol kaun-sa aiktar play karega. ' lekin Yuvraj khud kyon naheen screen par aane ke baare mein sochate? Is par yuvi ka kehna hai ki aikting ke baare mein vah soch to rahe hain, lekin aisa vah cricket se alag hone ke baad hi kareinge aur jab tak vah khel rahe hain, tab tak vah cricket ke baare mein hi sochana chaahate hain.

Film Banaana Chaahata Hoon Yuvraj https://www.angrejinews.com/pic/4965