Fefade Mein Infekshan Ke Baad Mandela Fir Aspataal Mein

World » Thursday, March 28, 2013

Johannesburg. . Rangabhed virodhi aandolan ke hero aur dakshin Africa ke poorv raashtrapati nelsan mandela ko fefade mein infekshan ki pareshaani ke kaaran fir se aspataal mein bharti karaaya gaya hai. Prejideint office ne 94 varsheeya mandela ke liye duaa karne ki appeal ki hai. Mandela ko Budhvaar aadhi raat aspataal mein bharti karaana pada. Pichhle chaar maheenon ke dauraan mandela teesari baar aspataal mein bharti hue hain. Prejideint office ke pravakta maik mahaaraaj ne ek bayaan mein kaha, 'Doctor unako dekh rahe hain. Ve yah tay kar rahe hain ki poorv raashtrapati ko achhe se achha ilaaj mil sake. ' mahaaraaj ne appeal ki hai ki log doctoron ko apna kaam karne ki nijta aur svatantrata pradaan karein. Unhonne is aspataal ka naam naheen bataaya jahaan mandela ko bharti karaaya gaya hai. Pravakta ne kaha ki aspataal mein daakhil karaae jaate samay mandela hosh mein the.