Federer Ki Najarein Wimbledon Mein 100veen Jeet Par

Sports »

Federer Ki Najarein Wimbledon Mein 100veen Jeet Par

London, nau July (eefapi) Roger Federer Budhvaar ko Wimbledon mein 100veen jeet darj karne ke alaava raafel Nadal ke khilaaf ek aur semifinal mukaabale ki neenv rakh sakte hain. purush ekal quarter final mein 30 saal se adhik umr ke paanch khilaadiyon ne jagah banaai hai aur maana ja raha hai ki khel ke do sabse safal khilaadi Federer aur Nadal career mein 40veen baar yahaan aamne saamane ho sakte hain. agar aisa hota hai to 2008 ke baad yeh pehla mauka hoga jab aal England club par ye donon ek doosare ke khilaaf bhideinge. Nadal ne 2008 mein Federer ko khitaabi mukaabale me haraaya tha. Ise tournament ke itihaas ka sabse shaanadaar final bhi maana jaata hai. aath baar ke champion Federer ko haalaanki semifinal mein pahunchane ke liye Japan ke kei nishikori ko haraana hoga jabki do baar ke vijeta Nadal ka saamana America ke saim kvairi se hoga. semifinal ke vijeta ki bhidant final mein gat champion aur chaar baar ke vijeta novaak jokovich se ho sakti hai. Federer 37 baras ki umr mein 1991 mein Jimmy konars ke baad quarter final mein jagah banaane vaale sabse umradaraaj khilaadi hain. Unhonne aal England club mein 17veen aur grandslam tournamenton mein 55veen baar quarter final mein jagah banaai hai. nishikori ke khilaaf Federer ka rikaard 7-3 ka hai. Saatavein vareeya nishikori ne pichhle saal ATP faainals mein Federer ke haraaya tha. doosari taraf Nadal ka duniya ke 65vein number ke khilaaf kvairi ke khilaaf rikaard 4-1 hai. kvairi ne 2017 mein duniya ke tatkaaleen number ek khilaadi Andy mare ko haraakar semifinal mein jagah banaai thi lekin antim chaar ke mukaabale mein maarin silich se haar gaye the. America ke kvairi tournament mein ab tak 100 S laga chuke hain aur is dauraan unhonne sirf ek baar apni service ganvaai. Kvairi ne pehle daur mein paanchavein vareeya domeenik thiyem ko haraaya tha. sheersh vareeya jokovich ka quarter final ke apne pratidvandvi David gofin ke khilaaf 5-1 ka rikaard hai. Gofin 28 saal ke hain aur tournament mein bache sabse kam umr ke khilaadi hain. jokovich aur gofin 2017 mein pichhli baar jab aamne saamane aae the to Belgium ke 21vein vareeya khilaadi ne monte kaarlo ke kle court par jeet darj ki thi. Gofin pehli baar aal England club mein quarter final mein pahunche hain. Budhvaar ko ek anya quarter final arjenteena ke 29 saal ke guido pela aur Spain ke 23vein vareeya robarto batista aagut ke beech hoga. eefapi sudheer pantapant.

Federer Ki Najarein Wimbledon Mein 100veen Jeet Par https://www.angrejinews.com/pic/285797