Faraar Hone Ke Khatre Se Neerav Modi Ki Jamaanat Arji Chauthi Baar Khaarij

Business »

Faraar Hone Ke Khatre Se Neerav Modi Ki Jamaanat Arji Chauthi Baar Khaarij

(aditi khanna) London , 12 June (bhaasha) Britain ke uchch nyaayaalaya ne bhagode heera kaarobaari neerav Modi ki jamaanat arji ko Budhvaar ko khaarij kar diya. Yeh chauthi baar hai jab neerav Modi ki jamaanat yaachika ko khaarij kiya gaya hai. Isse pehle nichli adaalat teen baar usaki yaachika khaarij kar chuki hai. heera kaarobaari ka prayaas hai ki Punjab national bank ke saath kareeb do arab dollar ki dhokhaadhadi aur mani laundring maamale mein use Bhaarat ko na saunpa jaae. nyaayaadheesh ingrid simlar ne neerav Modi aur Bhaarat ki or se pairavi kar rahi Britain ki abhiyojan seva ke vakeelon ki daleelein sunane ke baad kaha ki yeh maanane ka " thos aadhaar " hai ki neerav Modi jamaanat par chhootane ke baad fir se kaanoon ke aage samarpan naheen karega kyonki uske bhaag jaane ki paryaapt aashanka hai. nichli adaalat ne bhi jamaanat arji par sunavaai ke dauraan isi tarah ki aashanka jataai thi. Simlar ne apne faisale mein kaha ki sabhi mahatvapoorn cheejon par " saavadhaaneepoorvak " vichaar ke baad yeh maana hai ki yadi neerav Modi ko jamaanat par chhoda jaata hai to vah saboot ke saath chhedchhaad aur nyaayik prakriya mein baadha pahuncha sakta hai. nyaayaadheesh ne neerav Modi ki 20 lakh pound ki jamaanat ki peshakash ka ullekh karte hue kaha ki 'Praarthi badi maatra mein dhan jutaane ki sthiti mein hai. ' nyaayaadheesh ne kaha , " sabhi 12 gavaahon ne ek hi taraf ka aarop lagaaya ki - unhein dhamaki di ja rahi hai aur daraaya ja raha hai . . . In paristhitiyon mein , is baat ke pakke saboot hain ki aavadek (neerav Modi) aur unke liye kaam karne vaale aadmi sabooton ko nasht kar sakte hain. " isse pehle , neerav Modi ki kaanooni team ne mangalvaar ko uchch nyaayaalaya ke saamane apni daleelein pesh ki theen. Neerav Modi ke vakeelon ne kaha tha , " Modi vikiliks ke sah - sansthaapak jooliyn asaanje naheen hain , jo ki ikvaador ke dootaavaas mein sharan liye hue tha, neerav ek saadhaaran jauhari hain. " neerav Modi ki arji ke khilaaf Bhaarat ki or se pairavi kar rahi Britain ki abhiyojan seva ke vakeelon ne doharaaya ki is star par is baat ki prabal aashanka hai ki Modi Britain chhodkar faraar ho jaae aur unke paas aisa karne ke liye paryaapt dhan bhi hai. Donon pakshon ki daleelein sunane ke baad nyaayaalaya ne faisala sunaane ke liye Budhvaar ka din tay kiya tha. isse pehle London ki nichli adaalat teen baar neerav Modi ki jamaanat ki arji khaarij kar chuki thi. Us majistreti adaalat ki bhi rai thi ki Bhaarat mein kaanooni roop se bhagode ghoshit is heera kaarobaari ko jamaanat dene mein yeh bada jokhim hai ki vah Britain se bhaag sakta hai aur kaanoon ke samaksh samarpan naheen karega. London ki police ne 19 March ko neerav Modi ko giraftaar kiya tha aur uske baad se vah jail mein hai. Yaachika par faisala aane ke baad filhaal unhein jail mein hi rahana hoga.

Faraar Hone Ke Khatre Se Neerav Modi Ki Jamaanat Arji Chauthi Baar Khaarij https://www.angrejinews.com/pic/280765