Fanse Karj Ke Liye Praavadhaan Badhne Se Sentral Bank Ka Chauthi Timaahi Ghaata Badhkar 2,477 Karod Rupaye Hua

Business »

Fanse Karj Ke Liye Praavadhaan Badhne Se Sentral Bank Ka Chauthi Timaahi Ghaata Badhkar 2,477 Karod Rupaye Hua

Nayi Delhi, 15 May (bhaasha) saarvajanik kshetr ke central bank of India ka ghaata varsh 2018-19 ki chauthi timaahi mein badhkar 2,477.41 karod rupaye par pahunch gaya. Bank ke fanse karj ke evaj mein praavadhaan raashik badhne ki vajah se bank ka ghaata badha hai. Bank ko isse pehle varsh 2017-18 ki isi timaahi mein 2,113.51 karod rupaye ka ghaata hua tha. Haalaanki, teesari timaahi (October-December 2018) mein bank ko 718.23 karod rupaye ka ghaata hua tha. Keindreeya bank ne niyaamakeeya soochana mein yeh jaankaari dete huye kaha ki March mein samaapt timaahi mein usaki kul aay pichhle varsh ki isi avadhi ke 6,301.50 karod rupaye ke mukaabale badhkar 6,620.51 karod rupaye ho gayi. Poore vittavarsh 2018- 19 ki yadi baat karein to bank ka ghaata badhkar 5,641.48 karod ho gaya. Jo ki isse pichhle varsh mein 5,104.91 karod tha. Varsh ke dauraan bank ki aay bhi ek saal pehle ke 26,657.86 karod rupaye se ghatkar 25,051.51 karod rupaye rah gayi. Bank ki March 2019 ant mein sakal gair-nishpaadit parisanpattiyaaain (NPA) uske kul agrim ka 19.29 pratishat rah gayi jo ki isse pichhle varsh mein 21.48 pratishat thi. Bank ka shuddh NPA yaani shuddh fansa karj pehle ke 11.10 pratishat se ghatkar 7.73 pratishat rah gaya. Varsh 2018-19 ki March timaahi ke dauraan fanse karj ke evaj mein 4,523.57 karod rupaye ka praavadhaan kiya gaya jo ki saal bhar pehle ki avadhi mein 4,832.47 karod rupaye tha.

Fanse Karj Ke Liye Praavadhaan Badhne Se Sentral Bank Ka Chauthi Timaahi Ghaata Badhkar 2,477 Karod Rupaye Hua https://www.angrejinews.com/pic/274815