'Fansa Dega 20 Hajaar Se Jyaada Udhaar

Business »

'Fansa Dega 20 Hajaar Se Jyaada Udhaar

Prabhaat gaud Rajiv sharma ko ek din achaanak 50 hajaar rupaye ki jaroorat padi. Unke bank account mein mahaj 10 hajaar rupaye the aur kredit card se pemeint ho naheen sakta tha. Rajiv ne fauran apne dost amit garg se 40 hajaar rupaye cash le liye aur apna kaam nibta diya. Kuchh dinon mein Rajiv ne 40 hajaar rupaye cash amit ko lauta diye. Dost kaam aaya. Aakhir vo dost hi kya jo aise vakt par kaam na aae, lekin kya aapko pata hai ki aisi dosti inakam tax vaalon ki aankhon mein khatakati hai. Inakam tax vaale Rajiv se poochh sakte hain ki 40 hajaar rupaye unke paas kahaan se aae aur agar Rajiv ne yah kaha ki unhonne paise apne dost se udhaar liye the, to un par penalty lagaai ja sakti hai. Maje ki baat yah hai ki vakt par dost ki madad karne vaale bechaare amit garg par bhi penalty lagaai ja sakti hai. Check se karein len-den inakam tax ki dhaara 269 esaes ke mutaabik, koi bhi vyakti agar kisi doosare shakhs se 20 hajaar rupaye se jyaada ki rakam udhaar leta hai to usaka bhugataan account peyi check ya draft ke jariye hi hona chaahiye. Yah rakam bank account mein bhi traansafar ki ja sakti hai. Cash se udhaar ka len-den bas 20 hajaar rupaye tak ki rakam ka hi ho sakta hai. Agar 20 hajaar se jyaada rakam cash mein udhaar li gayi to udhaar lene vaale ko bhaari jurmaana lag sakta hai. Isi tarah inakam tax ki dhaara 269 ti mein yah vyavastha hai ki 20 hajaar rupaye se jyaada liye gaye udhaar ki vaapasi bhi check, draft ya bank account ke jariye hi ki ja sakti hai. Agar udhaar dene vaale ne bhi vaapas apna paisa cash mein le liya to us par bhi penalty lag sakti hai. Tax chori par lagaam pehle inakam tax ki yah dhaaraaen bas kamarshal loan ke maamale mein hi laagoo hoti theen, lekin ab ise saamaanya lenaden ke maamale mein bhi laagoo kar diya gaya hai. Vaise, aamtaur par aise keson ki taadaad bahut kam hoti hai, jab inakam tax vibhaag aam logon par in dhaaraaon ka istemaal karta hai. In dhaaraaon ka asli maksad cash ke sors ka pata lagaana aur tax chori karne vaalon ko pakadna hai. Bhaari penalty donon hi dhaaraaon mein penalty udhaar li gayi ya reepemeint ki ja rahi rakam ke baraabar ho sakti hai. In maamalon mein chhoot agar vaajib vajah bata di jaae to in donon dhaaraaon se bacha sakta hai yaani aise maamalon mein 20 hajaar rupaye se jyaada cash len-den par penalty naheen lagti. Vaajib vajahon ke baare mein bahut saaf niyam naheen hain, lekin fir bhi kuchh vajahein ye ho sakti hain. - agar do logon ko kheti se aamdani hai aur donon hi log inakam tax ke daayare mein naheen aate to ve cash se len-den kar sakte hain. Aise logon par yah dhaara laagoo naheen hoti. - agar koi paartanar farm mein 20 hajaar rupaye se jyaada ka cash lagaata hai ya farm se leta hai to us par ye dhaaraaen laagoo naheen hoteen, kyonki farm se cash lena ya dena udhaar naheen maana jaata. - agar aisa udhaar Sunday ko diya ja raha ho. - udhaar dene vaale ka bank account hi na ho. - Sunday ko agar koi apne kisi sambandhi ko isliye cash deta hai ki vah paisa surakshit rahe.

'Fansa Dega 20 Hajaar Se Jyaada Udhaar https://www.angrejinews.com/pic/3912