Fains Ne Smith Ko Cheetar Bulaaya, Viraat Kohli Ne Rokakar Dikhaaya Bada Dil, Hui Har Taraf Taareef

Breaking »

Fains Ne Smith Ko Cheetar Bulaaya, Viraat Kohli Ne Rokakar Dikhaaya Bada Dil, Hui Har Taraf Taareef

London Maidaan par vipakshi pleyars par barasate aur ulajhate hue to viraat Kohli ko logon ne kai baar dekha, lekin ravivaar ko Australia ke khilaaf match ke dauraan vah najaara dekhne ko mila jise dekhne ke baad fains sang khilaadi bhi yahi kah rahe hain ki match jeetne ke saath-saath viraat ab dil jeetna bhi seekh gaye hain. Daraasal match ke dauraan darshak Steve smith par fabtiyaan kas rahe the, jise viraat ne bhi sun liya aur unhonne aadatan turant pratikriya di. Unhonne darshakon ko aisa karne se roka aur iske bajaay khel ka lutf uthaane ko kaha. Viraat ki is ada ne smith ka bhi dil jeet liya aur fir in donon ko haath milaate hue dekha gaya. Fains ki taraf se maangi maafi Bhaarateeya kaptaan viraat Kohli ne match ke baad bataaya ki unhonne prashansakon ki taraf se Steve smith se maafi maangi kyonki is poorv Australiaee kaptaan ko world cup mein ek baar fir se 'Asveekaarya' hooting se roo-b-roo hona pada tha. South Africa mein geind se chhedchhaad ke vivaadaaspad maamale ke kaaran ek saal ka ban jhelne ke baad vaapasi karne vaale smith ko prabhaavashaali pradarshan ke baavajood England ke pratyek maidaan par darshakon ke gusse ka shikaar banana pad raha hai. Hooting ki ghatna par viraat ne match ke baad kaha, 'Mujhe unke liye bura laga aur mainne unase kaha, 'Main darshakon ki taraf se khed vyakt karta hoon kyonki mainne pichhle kuchh maichon mein bhi aisa hote hue dekha hai. Mere vichaar mein yeh asveekaarya hai. Yahaan badi sankhya mein bhaarateeya darshak upasthit the aur main naheen chaahata tha ki ve galat udaaharan pesh karein. Imaandaari se kahoon to unhonne aisa kuchh galat naheen kiya hai jiske liye unki hooting ki jaae. Vah keval cricket khel rahe hain. ' When India fans started getting stuck into @stevesmith49, here'S how #ViratKohli responded to them. And here'S th… https: //t. Co/IBO9DWg6O4— ICC (@ICC) 1560097193000 Ek-doosare ke dhur virodhi Viraat aur smith isse pehle ek doosare ko nishaana banaate rahe hain. Inmein Bengaluru mein 2017 mein khela gaya test match bhi shaamil hai jab smith ne refaral mein madad ke liye dresing room ki taraf dekha aur viraat ne iske liye unka majaak udaaya tha. Lekin Sunday ko iske theek ulat drushya dikha aur jab viraat ne darshakon se shaant bane rahane ki appeal ki to fir donon ko haath milaate hue dekha gaya. Viraat ka maanana hai ki agar kisi ko apne kiye par pachhataava hai to anya ko bhi vah maamala vaheen par chhodkar aage badhna chaahiye. Unhonne kaha, 'Dekhiye jo hua vah kaafi pehle ho chuka hai. Unhonne ab vaapasi kar li hai. Vah apni taraf se achha khelne ki koshish kar rahe hain. Mainne IPL mein bhi unhein dekha. Imaandaari se kahoon to kisi ko is tarah se neecha dikhaana sahi naheen hai. ' Viraat ne yeh bhi maana ki unke smith se matabhed rahe hain. Unhonne kaha, 'Maidaan par hamaari bahas bhi hui hai lekin aap naheen chaahate ki kisi khilaadi ko har samay maidaan par utarane par is tarah se apamaanit kiya jaae. Jo hua vah hua aur sabhi is baare mein jaante hain. Vah vaapasi kar chuke hain. Kadi mehnat kar rahe hain aur apni taraf se achha pradarshan kar raha hain. ' Sab kar rahe taareef Fains ke saath-saath poorv aur maujooda kriketars ne bhi Kohli ko saraaha. Pakistani cricketer kamaraan Akmal ne ise kaafi sakaaraatmak bataaya. Vaheen Australiaee cricketer Michael vaun ne bhi Kohli ki taareef ki. Inke alaava Darren lehaman, braid haug, dimuth karunaaratne aadi ne viraat ki khelabhaavana ki taareef ki.

Fains Ne Smith Ko Cheetar Bulaaya, Viraat Kohli Ne Rokakar Dikhaaya Bada Dil, Hui Har Taraf Taareef https://www.angrejinews.com/pic/280478